Chiara Sacchi

Mae Chiara Sacchi (ganwyd 2002) yn ymgyrchydd hinsawdd Archentaidd o Buenos Aires.

Chiara Sacchi
Ganwyd	2002
Dinasyddiaeth	Yr Ariannin
Galwedigaeth	ymgyrchydd hinsawdd

Bywyd personol

Cafodd Chiara Sacchi ei geni a'i magu yn Haedo, Buenos Aires, ac astudiodd yn Elmina Paz de Gallo, yn El Palomar. Yn ôl cyfweliad gan Slow Food, cafodd Sacchi ei magu mewn amgylchedd teuluol lle roedd bwyta'n iach yn bwysig, a dyna pam mae llawer o'i gweithredoedd fel ymgyrchydd hinsawdd yn troi o gwmpas y mater hwn. Mae hi hefyd wedi tynnu sylw mewn amryw areithiau a chyfweliadau iddi gael ei hannog i weithredu dros newid hinsawdd, oherwydd iddi gael ei dychryn gan newidiadau sydyn yn nhymheredd ei mamwlad.

Gweithredu

Roedd Chiara Sacchi yn rhan o'r ymgyrch “Plant vs. Symudiad Argyfwng Hinsawdd”, gyda Greta Thunberg, Catarina Lorenzo ac 15 o weithredwyr ifanc eraill. Roedd hon yn fenter a fynnodd fod yr Ariannin, Brasil, Ffrainc, yr Almaen a Thwrci yn gyfrifol am beidio a gweithredu yn wyneb yr argyfwng hinsawdd. Y ddeiseb hon oedd y gŵyn ffurfiol gyntaf a ffeiliwyd gan grŵp o blant o dan 18 oed ynghylch newid hinsawdd o dan Gonfensiwn y Cenhedloedd Unedig ar Hawliau'r Plentyn.

Mae Sacchi wedi cymryd rhan fel ymgyrchydd eitha milwriaethus yn y rhwydwaith 'Bwyd Araf yr Ariannin', grŵp byd-eang sy'n gweithio i amddiffyn bioamrywiaeth a bwyd da, glân a theg. O ran gweithredu dros fwwyd, mae hi hefyd wedi cymryd rhan yn <i>Terra Madre Salone del Gusto</i> ac yng ngweithgareddau <i>La Comunidad Cocina Soberana de Buenos Aires</i>, cymuned bwyd araf yn Buenos Aires. Mae hi wedi bod yn ddi-flewyn-ar-dafod am sofraniaeth bwyd :

Rwy'n hyrwyddo egwyddorion 'Bwyd Araf' oherwydd credaf fod ffyrdd eraill o gynhyrchu bwyd, rhai nad ydynt yn niweidio natur a bodau dynol ... Nid yw llywodraethau'n gyfrifol am drwsio ac atal y difrod a wneir i gyrff pobl a'r ecosystem, a achosir gan y system fwyd, maent hefyd yn caniatáu tocsinau ar ein platiau. } Yn adnabyddus am ei slogan “Rhowch nôl i ni ein dyfodol”, mae Sacchi yn rhan o fudiad ieuenctid sy'n tyfu ac sy'n hyrwyddo tegwch rhwng cenedlaethau wrth weithredu dros yr hinsawdd.