Cnonyn Aflonydd

Hunangofiant gan Angharad Tomos yw Cnonyn Aflonydd. Gwasg Gwynedd a gyhoeddodd y gyfrol yn y gyfres Cyfres y Cewri a hynny yn 2001. Yn 2013 roedd y gyfrol mewn print.

Cnonyn Aflonydd

Enghraifft o'r canlynol	gwaith ysgrifenedig
Awdur	Angharad Tomos
Cyhoeddwr	Gwasg Gwynedd
Gwlad	Cymru
Iaith	Cymraeg
Dyddiad cyhoeddi	1 Gorffennaf 2001
Pwnc	Cofiannau
Argaeledd	mewn print
ISBN	9780860741749
Tudalennau	272
Genre	Llyfrau ffeithiol
Cyfres	Cyfres y Cewri: 23

Disgrifiad byr

Ymgyrchwraig dros y Gymraeg yn ystod yr 1980au a'r 1990au yw Angharad Tomos, enillydd y Fedal Lenyddiaeth yn yr Eisteddfod Genedlaethol, ac awdures y gyfres o straeon i blant am Rwdlan a'i ffrindiau. Ceir 44 ffotograff du-a-gwyn.

Hanes sydd yma am berson sy'n arddel egwyddorion cryf. Mae ymrwymiad yr awdur i bwysigrwydd yr iaith Gymraeg ac, yn fwyaf arbennig, ei rôl allweddol ym mywyd a gweithgarwch Cymdeithas yr Iaith, yn cael sylw mawr. Ond daw egwyddorion pwysig eraill i'r amlwg hefyd – yr ymrwymiad cadarn at y ffydd Gristnogol ac at eglwys leol, ynghyd â phwysigrwydd cyfiawnder byd-eang. Mae'r teulu yn hanfodol bwysig iddi hefyd a chawn ddarlun o rieni arbennig ac o bump o chwiorydd.

Mae edmygedd yr awdur o rai cyfeillion yn gwbl amlwg, ond efallai yn llai gwresog at gyn-gydweithwyr o fewn Cymdeithas yr Iaith sydd bellach yn rhan o'r sefydliad Cymreig/Prydeinig. Y darlun sy'n aros yw un o berson sy'n cydnabod y pwysau sydd arni i gydymffurfio a chyfaddawdu ond sydd hefyd wedi ymdrechu, a llwyddo, i ddal gafael yn yr egwyddorion sydd wedi bod yn gynhaliaeth i'w bywyd. Mae ein hedmygedd ohoni yn fwy oherwydd hyn.

Gweler hefyd

• Rhestr llyfrau Cymraeg
• Wicipedia:Wicibrosiect Llyfrau Gwales

Cyfeiriadau

• Mae rhan o'r erthygl hon wedi'i sgwennu ar wefan Gwales, gan Richard H. Morgan.

Eginyn erthygl sydd uchod am lyfr. Gallwch helpu Wicipedia drwy ychwanegu ato.