Coed-yr-iarll, Sir Fynwy

Pentref yng nghymuned Drenewydd Gelli-farch, Sir Fynwy, Cymru, yw Coed-yr-iarll (Saesneg: Earlswood). Mae wedi'i leoli 5 milltir i'r gogledd-orllewin o Gas-gwent, ac i'r dwyrain o ardal goediog Coed Gwent.

Coed-yr-iarll

Capel Methodistaidd Cwm Coed-yr-iarll
Math	pentref
Daearyddiaeth
Sir	Sir Fynwy
Gwlad	Cymru
Cyfesurynnau	51.6615°N 2.8043°W
Cod OS	ST441961
Gwleidyddiaeth
AS/au Cymru	Peter Fox (Ceidwadwyr)
AS/au y DU	Catherine Fookes (Llafur)
Ffeiliau perthnasol ar Comin

Hanes

Cyn y goresgyniad Normanaidd yng Nghymru, roedd yr ardal dan goed. Ar adeg Llyfr Dydd y Farn, roedd yn rhan o ystadau Durand, Siryf Caerloyw. Aeth ef a'i ddisgynyddion ati i glirio'r coed, gan sefydlu pentref Drenewydd Gelli-farch (Shirenewton, neu "Sheriff's Newton", yn Saesneg). Yn ddiweddarach yn y 12g roedd Milo FitzWalter (Miles o Gaerloyw, Iarll 1af Henffordd) yn Siryf, a datblygodd yr enw "Coed-yr-iarll".

Y pentref heddiw

Heddiw mae gan y pentref ganolfan gymunedol fawr a adeiladwyd gyda chyfraniadau gan y cyhoedd, er cof am drigolion o'r plwyf a laddwyd yn yr Ail Ryfel Byd.