Conrad Black
Awdur, colofnydd, cyhoeddwr, buddsoddwr, ac aelod o Dŷ'r Arglwyddi y Deyrnas Unedig a aned yng Nghanada yw Conrad Moffat Black, Barwn Black o Crossharbour, OC, PC (Can.), KCSG (ganwyd 25 Awst 1944) oedd am bryd yn fogwl papurau newydd trydydd fwyaf y byd.[1] Rheolodd Hollinger International, Inc. Trwy gwmnïau cyswllt, cyhoeddodd y cwmni nifer o bapurau newydd mawr gan gynnwys The Daily Telegraph (y DU), Chicago Sun Times (UDA), Jerusalem Post (Israel), National Post (Canada), a channoedd o bapurau cymunedol yng Ngogledd America. Ganwyd Black ym Montreal, ond ildiodd ei ddinasyddiaeth Ganadaidd yn 2001 er mwyn dod yn aelod o Dŷ'r Arglwyddi. Mae'n briod i'r colofnydd ceidwadol Barbara Amiel.
| Conrad Black | |
|---|---|
 | |
| Ganwyd | 25 Awst 1944  Montréal |
| Man preswyl | Toronto |
| Dinasyddiaeth | Canada, y Deyrnas Unedig |
| Alma mater |
|
| Galwedigaeth | gwleidydd, hanesydd, cyhoeddwr, hunangofiannydd, cofiannydd, person busnes, colofnydd |
| Swydd | aelod o Dŷ'r Arglwyddi |
| Plaid Wleidyddol | y Blaid Geidwadol |
| Tad | George Montegu Black II |
| Mam | Jean Elizabeth Riley |
| Priod | Barbara Amiel, Shirley Gail Walters Hishon |
| Plant | Jonathan David Conrad Black, Alana Whitney Elizabeth Black, James Patrick Black |
| Gwobr/au | Swyddog Urdd Canada |
Cafwyd yn euog o dwyll gan lys Americanaidd yn 2007 a dedfrydwyd i chwe mlynedd a hanner yn y carchar. Ar 19 Gorffennaf 2010 cafodd Black ei fechnïo. Dymchwelwyd dau o'r tri chyhuddiad olaf o dwyll post ym mis Hydref 2010 gan 7fed Lys Cylchdaith Apeliadau'r Unol Daleithiau.[2] Ar 24 Mehefin 2011 ailddedfrydwyd ar y cyhuddiad olaf o dwyll post ac un gyhuddiad o rwystro cyfiawnder gan dderbyn 42 mis yn y carchar a dirwy o $125,000 (USD). Cynhwysir y 29 mis y mae Black wedi gwasanaethu'n barod yn y ddedfryd hon, ac felly mae'n rhaid iddo ddychwelyd i'r carchar am 13 mis arall.[3] Wedi iddo ddychwelyd i garchar ym Miami ym mis Medi, cafodd ei ryddhau'n gynnar ar 4 Mai 2012 am ymddygiad da.[4]
Cyfeiriadau
golygu- ↑ (Saesneg) Conrad Black: Where did it all go wrong. BBC (27 Chwefror 2004).
- ↑ (Saesneg) Conrad Black granted bail. Toronto Star (19 Gorffennaf 2010).
- ↑ (Saesneg) Black sent back to jail for 13 months. Globe and Mail (24 Mehefin 2011).
- ↑ (Saesneg) Conrad Black released from Miami prison. BBC (4 Mai 2012).