Cyflafan Sharpeville
Lladdfa a gyflawnwyd gan Heddlu De Affrica mewn ymateb i wrthdystiad gan dorf fawr o bobl dduon yn erbyn apartheid oedd cyflafan Sharpeville a ddigwyddodd ar 21 Mawrth 1960 yn nhreflan Sharpeville, ger Vereeniging yn nhalaith y Transvaal, De Affrica.
 | |
| Enghraifft o'r canlynol | cyflafan  |
|---|---|
| Dyddiad | 21 Mawrth 1960 |
| Lladdwyd | 69 |
| Lleoliad | Sharpeville |
 | |
 Ffeiliau perthnasol ar Gomin Wicimedia | |
Cyhoeddodd y Gyngres Ban-Affricanaidd (PAC)—grŵp hollt o'r Gyngres Genedlaethol Affricannaidd (ANC)—brotestiadau i'w cynnal ar draws De Affrica ar 21 Mawrth 1960 i alw am ddiddymu deddfau'r pasbortau mewnol a ddefnyddiwyd i orfodi arwahanu hiliol yn y wlad. Cyfarwyddodd y PAC i brotestwyr wrthod eu paslyfrau, ac felly rhoi rheswm i'r heddlu eu harestio fel ffordd o anufudd-dod sifil. Ymgynnullodd rhyw 20,000 o bobl dduon ger gorsaf yr heddlu yn Sharpeville. Yn ôl yr heddlu, dechreuodd y dorf daflu cerrig atynt, ac ymatebant drwy saethu eu peirianddrylliau bychain. Bu farw 69 o bobl, ac anafwyd mwy na 180.[1]
Cyfeiriadau
golygu- ↑ (Saesneg) Sharpeville massacre. Encyclopædia Britannica. Adalwyd ar 5 Hydref 2022.