Dallineb lliw

Dallineb lliw yw'r gallu gostyngedig i weld lliw neu wahaniaethau mewn lliw.

Dallineb lliw

Enghraifft o'r canlynol	dosbarth o glefyd
Math	anhwylder golwg, colour vision deficiency, dallineb, clefyd
Ffeiliau perthnasol ar Gomin Wicimedia

Mae'r golwg yn dibynnu ar yr ymennydd i ddehongli ac integreiddio signalau o gelloedd sy'n sensitif i olau ar arwyneb y retina. I wahaniaethu rhwng lliwiau mae'r ymennydd yn cymhlitho'r mewnbwn gan gelloedd a elwir yn gonau, yn retina'r llygad. Os bydd diffyg mewn golwg lliw yn digwydd mae'n golygu nad oes gan yr unigolyn y swm cywir o bigmentau cemegol yn un neu fwy o'r conau hyn i brosesu lliw yn gywir.

Dallineb lliw coch-gwyrdd

Dallineb lliw coch-wyrdd (dewteranopia) yw'r diffyg golwg lliw mwyaf cyffredin. Ni all unigolion wahaniaethu rhwng arlliwiau o goch a gwyrdd.

Mae'n gyflwr etifeddol enciliol cysylltiedig â rhyw person, sy'n golygu ei fod yn fwy cyffredin mewn dynion.

Felly, mewn llawer o boblogaethau'r Gorllewin, mae 5-9% o wrywod yn ddall i liwiau i ryw raddau, tra bod y ffigwr cyfatebol mewn benywod yn llai nag 1%. Gall y diffyg achosi mân broblemau gweithredol, er enghraifft, os yw'r unigolyn yn cael anhawster i wahaniaethu rhwng goleuadau traffig coch a gwyrdd, neu pe bai'r unigolyn yn dymuno bod yn drydanwr neu beiriannydd ffôn, byddai'n rhaid iddynt ddelio â gwifrau sydd â chod lliwiau - ac mae llawer o'r rhain yn goch a gwyrdd, neu’n arlliwiau o goch a gwyrdd.