David Davies, Hwlffordd
Roedd Y Parch David Davies (2 Mawrth 1794 - 19 Mawrth 1856 yn weinidog gyda'r Bedyddwyr ac yn bennaeth cyntaf Athrofa'r Bedyddwyr yn Hwlffordd.[1]
| David Davies, Hwlffordd | |
|---|---|
| Ganwyd | 2 Mawrth 1794  |
| Bu farw | 19 Mawrth 1856 |
| Dinasyddiaeth |  Cymru |
| Galwedigaeth | gweinidog yr Efengyl, tiwtor |
Cefndir
golyguGanwyd Davies yn Steynton, Aberdaugleddau yn blentyn i'r Parch Benjamin Davies, gweinidog cyntaf y Bedyddwyr yn y dref [2] a Mary (née Owen) ei wraig. Cafodd ei enw ei gofrestru gan ei dad yng nghofrestr plant aelodau enwad y Bedyddwyr cylch Arberth ar 20 Ebrill 1794.[3] Cafodd ei addysg yn Athrofeydd y Bedyddwyr yn y Fenni a Stepney, Swydd Middlesex (Llundain Fwyaf, bellach).
Gyrfa
golyguWedi gorffen ei addysg ragbaratoawl bu Davies yn gwasanaethu fel cyd weinidog i'r Parch Laurence Butterworth yn Evesham, Swydd Gaerwrangon, lle cafodd ei ordeinio ym 1822. Roedd angen cynorthwyydd ar Butterworth gan ei fod wedi cyrraedd 84 mlwydd oed a bu Davies yn gyfrifol am lawer o waith ymarferol yr eglwys. Pan fu farw'r hen weinidog ym 1828 [4] penodwyd Davies yn weinidog llawn yno.
Ym 1837 derbyniodd Davies alwad i'w fam eglwys yn Hwlffordd i wasanaethu Bedyddwyr Saesneg Sir Benfro (er ei fagu yng Nghymru roedd Davies yn Gymro di-gymraeg [2]). Ym 1839 fe'i penodwyd yn bennaeth ac athro Diwinyddol yr athrofa oedd newydd ei sefydlu yn y dref. Gwasanaethodd fel pennaeth yr athrofa a gweinidog Hwlffordd hyd ei farwolaeth.
Teulu
golyguYm 1823 priododd Davies â Sophia Elizabeth Hayward. Bu iddynt fab a thair merch. Bu farw Sophia ym 1843,[5] ail briododd a gwraig o'r enw Elizabeth.
Marwolaeth
golyguBu farw o'r dropsi (oedema oherwydd methiant gorlenwad y galon, yn nhermau meddygol cyfoes) yn Hwlffordd yn 62 mlwydd oed, a chladdwyd ei weddillion ym mynwent ei gapel.[6]
Cyfeiriadau
golygu- ↑ DAVIES, DAVID (1800? - 1856), gweinidog ac athro gyda'r Bedyddwyr. Y Bywgraffiadur Cymreig adalwyd 23 Hydref 2020
- ↑ 2.0 2.1 Yr Athraw at wasanaeth yr Ysgolion Sabbathol Gorphenaf 1907 Y Parch. David Davies, Evesham a Hwlffordd adalwyd 23 Hydref 2020
- ↑ Trawsgrifiad o gofrestr enwau plant Bedyddwyr Arberth ar Family Search, safle hel achau'r Mormoniaid adalwyd 23 Hydref 2020
- ↑ The Baptist Magazine, Volume 20 adalwyd 23 Hydref 2020
- ↑ Seren Gomer Cyf. XXVI - Rhif. 334 - Gorphenaf 1843 - Bu Farw adalwyd 23 Hydref 2020
- ↑ Y Greal Mai 1856 Marwgoffa Y Parch David Davies, Hwlffordd adalwyd 23 Hydref 2020