Wicipedia

Coco (ffilm 2017)

ffilm gan Pixar
(Ailgyfeiriad o Defnyddiwr:Gerian2/Coco (ffilm 2017))

Ffilm ffantasi animeiddiedig Americanaidd yw Coco o 2017 a gynhyrchwyd gan Pixar[2] a ryddhawyd gan Walt Disney Pictures[3]. Mae'r ffilm yn seiliedig ar syniad gwreiddiol gan Lee Unkrich, a chyfarwyddodd y ffilm, a chafodd ei gyd-gyfarwyddo gan Adrian Molina. Sêr cast llais y ffilm Anthony Gonzalez, Gael García Bernal, Benjamin Bratt, Alanna Ubach, Renée Victor, Ana Ofelia Murguía ac Edward James Olmos. Mae'r stori yn dilyn bachgen 12 oed o'r enw Miguel sy'n cael ei gludo ar ddamwain i Wlad y Meirw. Yna, mae'n chwilio am gymorth ei hen hen dad-cu, cerddor marw, i'w ddychwelyd i'w deulu ymhlith y byw ac i wrthdroi gwaharddiad ei deulu ar gerddoriaeth.

Coco
Enghraifft o'r canlynolffilm, ffilm animeiddiedig Edit this on Wikidata
Lliw/iaulliw Edit this on Wikidata
GwladUnol Daleithiau America, Mecsico Edit this on Wikidata
IaithSaesneg Edit this on Wikidata
Dyddiad cyhoeddi22 Tachwedd 2017, 30 Tachwedd 2017, 24 Tachwedd 2017, 19 Ionawr 2018, 8 Chwefror 2018, 29 Tachwedd 2017, 23 Tachwedd 2017 Edit this on Wikidata
Genreffilm gerdd, ffilm ffantasi, ffilm antur, ffuglen dditectif, ffilm deuluol, ffilm ddrama, ffilm gomedi, melodrama, ffilm ysbryd Edit this on Wikidata
Cyfreslist of Pixar films Edit this on Wikidata
CymeriadauErnesto de la Cruz Edit this on Wikidata
Dyddiad y perff. 1af20 Hydref 2017 Edit this on Wikidata[1]
Lleoliad y gwaithMecsico, Land of the Dead, Santa Cecilia Acatitlan Edit this on Wikidata
Hyd109 munud Edit this on Wikidata
CyfarwyddwrLee Unkrich, Adrian Molina Edit this on Wikidata
Cynhyrchydd/wyrDarla K. Anderson Edit this on Wikidata
Cwmni cynhyrchuPixar, Walt Disney Pictures Edit this on Wikidata
CyfansoddwrMichael Giacchino Edit this on Wikidata
DosbarthyddWalt Disney Studios Motion Pictures, Netflix, Disney+ Edit this on Wikidata
Iaith wreiddiolSaesneg, Sbaeneg Edit this on Wikidata
Gwefanhttps://movies.disney.com/coco Edit this on Wikidata
Tudalen Comin Ffeiliau perthnasol ar Gomin Wicimedia

Mae'r cysyniad ar gyfer Coco wedi'i ysbrydoli gan yr ŵyl Mecsicanaidd Ddiwrnod y Meirw. Cafodd y ffilm ei sgriptio gan Molina a Matthew Aldrich o stori gan Unkrich, Jason Katz, Aldrich a Molina. Dechreuodd Pixar ddatblygu'r animeiddiad yn 2016, ac ymwelodd Unkrich a rhai o griw'r ffilm â Mecsico i'w ymchwilio. Cyfansoddodd Michael Giacchino y sgôr[4], a oedd wedi gweithio gyda Pixar ym mlaenorol. Gyda chost o $175 miliwn, Coco yw'r ffilm gyntaf gyda chyllideb naw ffigur i gynnwys prif gast hollol Latino.

Cafodd Coco ei berfformio am y tro cyntaf ar 20 Hydref 2017, yn ystod Gŵyl Ffilm Ryngwladol Morelia ym Morelia, Mecsico.[5] Fe'i rhyddhawyd yn theatrig ym Mecsico'r wythnos ganlynol, y penwythnos cyn Diwrnod y Meirw, ac yn yr Unol Daleithiau ar 22 Tachwedd 2017. Canmolwyd y ffilm am ei hanimeiddiad, actio llais, cerddoriaeth, delweddau, stori emosiynol, a'i pharch at ddiwylliant Mecsicanaidd. Enillodd dros $807 miliwn ledled y byd, a ddaeth yr 16eg ffilm animeiddiedig fwyaf erioed ar adeg ei rhyddhad.[6][7][8][9]. Enillodd y ffilm ddwy Wobr Academi am y Ffilm Animeiddiedig Orau a'r Gân Wreiddiol Orau ("Remember Me"). Enillodd hefyd y Ffilm Animeiddiedig Orau yng Ngwobrau BAFTA, Gwobrau Golden Globe, Gwobrau Critic's Choice, a Gwobrau Annie.[10]

Stori

golygu

Yn Santa Cecilia, Mecsico, mae Miguel yn breuddwydio am ddod yn gerddor, er bod ei deulu'n ei wahardd yn llym. Roedd ei hen hen hen fam-gu Imelda yn briod â dyn a adawodd hi a'u merch Coco i ddilyn gyrfa mewn cerddoriaeth, a phan na ddychwelodd byth, fe wnaeth Imelda daflu pob math o gerddoriaeth o fywyd ei theulu cyn dechrau busnes gwneud esgidiau. Mae Miguel bellach yn byw gyda'r Coco oedrannus a'u teulu, y mwyafrif ohonynt yn gryddion. Mae Coco yn dioddef o golli cof ac mae wedi dod yn dawel ac i raddau helaeth yn fud. Mae Miguel yn addoli'r cerddor enwog Ernesto de la Cruz ac yn ymarfer ei sgiliau gitâr yn gudd.

Ar Ddiwrnod y Meirw, mae Miguel yn darganfod bod gan y ffotograff o Coco gyda'i rhieni (mae wyneb ei thad wedi'i rwygo oddi ar y llun) ar y ofrenda'r teulu adran gudd, sy'n dangos ei hen dad-cu yn dal gitâr enwog Ernesto. Mael Miguel yn dod i'r casgliad ei fod yn or-or-ŵyr i Ernesto, ac mae Miguel yn penderfynu cystadlu mewn sioe dalent leol, serch gwrthwynebiadau ei deulu.

Mae Miguel yn torri i mewn i feddrod Ernesto ac yn dwyn y gitâr i'w ddefnyddio yn y sioe. Wrth wneud hynny, fodd bynnag, mae'n dod yn anweledig i'r byw ond gall ryngweithio gyda'i berthnasau meirw sgerbydol, sy'n ymweld o Wlad y Meirw. Maen nhw'n mynd ag ef yn ôl gyda nhw, ac maen nhw'n dysgu na all Imelda ymweld â Gwlad y Byw gan fod Miguel wedi tynnu ei llun o'r ofrenda. Mae Miguel yn darganfod ei fod wedi ei felltithio am ddwyn oddi wrth y meirw, a rhaid iddo ddychwelyd i Wlad y Byw cyn i'r Haul codi, neu fe ddaw'n un o'r meirw. I wneud hynny, rhaid iddo dderbyn bendith gan aelod o'r teulu. Mae Imelda yn cynnig bendith i Miguel ar yr amod nad yw byth yn chwarae cerddoriaeth eto, ond mae Miguel yn gwrthod ac yn penderfynu ceisio bendith Ernesto yn lle.

Mae Miguel yn cwrdd â Héctor, sy'n datgan ei fod yn adnabod Ernesto ac yn cynnig helpu Miguel i'w gyrraedd, yn gyfnewid am Miguel yn helpu Héctor i ymweld â'i ferch cyn iddi ei anghofio, gan beri iddo ddiflannu'n llwyr. Mae Miguel yn cystadlu mewn cystadleuaeth dalent gyda Héctor i ennill mynediad i blasty Ernesto, ond mae'n cael ei orfodi i ffoi pan fydd ei deulu yn ei olrhain i lawr. Yna mae'n sleifio i'r plasty, lle mae Ernesto yn ei groesawu fel ei ddisgynnydd, ond mae Héctor yn eu hwynebu ac yn adnewyddu dadl gydag Ernesto o'u partneriaeth mewn bywyd. Mae Miguel yn sylweddoli, pan benderfynodd Héctor ddychwelyd at ei deulu, fod Ernesto wedi ei wenwyno a dwyn ei gitâr a'i ganeuon, gan smalio taw rhai ef ei hun oeddynt i ddod yn enwog. Er mwyn amddiffyn ei etifeddiaeth, mae Ernesto yn cipio'r llun ac yn taflu Miguel a Héctor i mewn i ffynnon. Yno, mae Miguel yn darganfod mai Héctor yw ei hen hen hen dad-cu go iawn. Roedd Héctor ond eisiau mynd i Wlad y Byw er mwyn gweld Coco eto.

Ar ôl i Imelda a'r teulu achub y ddau, mae Miguel yn datgelu iddi'r gwir am Héctor. Mae Imelda a Héctor yn cymodi’n araf, ac mae’r teulu’n mynd i gyngerdd Ernesto i adfer llun Héctor. Mae troseddau Ernesto yn cael ei gyhoeddi i'r gynulleidfa, ac mae'n cael ei hedfan allan o'r stadiwm gan dywysydd ysbrydol Imelda, Pepita. Yn yr anhrefn, fodd bynnag, mae Miguel yn colli'r llun. Mae Imelda a Héctor yn bendithio Miguel yn ddiamod erbyn i'r Haul codi fel y gall ddychwelyd adref. Gartref, mae Miguel yn chwarae "Remember Me" i Coco, cân a ysgrifennodd Héctor iddi, a ddaeth wedyn yn gân fwyaf poblogaidd Ernesto. Mae Coco yn bywiogi ac yn canu ynghyd â Miguel. Mae'n datgelu ei bod wedi achub y darn rhwyg o'r llun teulu gydag wyneb Héctor arno, ac yna'n adrodd straeon i'w theulu am ei thad, gan arbed ei fodolaeth yng Ngwlad y Meirw. Mae teulu Miguel yn cymodi ag ef, gan ddod â'r gwaharddiad ar gerddoriaeth i ben.

Flwyddyn yn ddiweddarach, mae Miguel yn dangos ofrenda'r teulu i'w chwaer fach newydd, mae'r ofrenda bellach yn cynnwys Héctor a Coco a fu farw yn ddiweddar. Gan ddefnyddio llythyrau Coco gan Héctor, mae'r teulu'n dinistrio enw da Ernesto ac yn caniatáu i Héctor gael ei anrhydeddu yn ei le yn haeddiannol. Yng Ngwlad y Meirw, mae Héctor ac Imelda yn ailgynnau eu rhamant ac yn ymuno â Coco am ymweliad â'r byw, lle mae Miguel yn perfformio i'w deulu.

Cast

golygu
  • Anthony Gonzalez fel Miguel, cerddor awyddus 12 oed.[11][12]
  • Gael García Bernal fel Héctor, castiwr dymunol yng Ngwlad y Meirw sy'n listio cymorth Miguel i'w helpu ymweld â Gwlad y Byw.[11]
    • Gwnaeth Bernal ail-chwarae'r rôl yn fersiwn trosleisio Sbaeneg y ffilm.[13]
  • Benjamin Bratt fel Ernesto de la Cruz, y cerddor mwyaf enwog yn hanes Mecsico ac arwr i Miguel. Wedi ei mawrygu gan ei gefnogwyr ledled y byd tan ei marwolaeth cyn pryd, mae'r cerddor swynol a charismatig hyd yn oed mwy poblogaidd yng Ngwlad y Meirw.[11][14]
    • Antonio Sol sy'n darparu llais canu de la Cruz, heblaw am "Remember Me".[15]
  • Alanna Ubach fel Mamá Imelda, hen hen fam-gu Miguel a gwraig i Héctor, mam Coco, a phennaeth y teulu.[12]
  • Renée Victor fel Abuelita, merch Coco a mam-gu Miguel, sy'n gorfodi gwaharddiad cerddoriaeth y teulu yn llym.[11]
  • Ana Ofelia Murguía fel Mamá Coco, hen fam-gu Miguel a merch i Héctor ac Imelda.[16]
    • Libertad García Fonzi sy'n chwarae Coco pan mae hi'n ifanc.
  • Edward James Olmos fel Chicharrón, ffrind i Héctor sy'n cael ei anghofio yng Ngwlad y Meirw.[12]
  • Alfonso Arau fel Papá Julio, gŵr Coco a hen dad-cu Miguel.[12][17]
    • Gwnaeth Arau ail-chwarae'r rôl yn fersiwn trosleisio Sbaeneg y ffilm.[13]
  • Selene Luna fel Tía Rosita, modryb Miguel.[12]
  • Dyana Ortellí fel Tía Victoria, modryb Miguel.
  • Herbert Sigüenza fel Tío Oscar a Tío Felipe, gefeilliaid unfath ac ewythrod i Miguel.[12]
  • Jaime Camil fel Papá, tad Miguel a mab Abuelita.[12]
  • Sofía Espinosa fel Mamá, mam Miguel.[12]
    • Gwnaeth Espinosa ail-chwarae'r rôl yn fersiwn trosleisio Sbaeneg y ffilm.[13]
  • Luis Valdez fel Tío Berto, ewythr Miguel.[12]
    • Mae Valdez hefyd yn lleisio Don Hidalgo.
    • Gwnaeth Valdez ail-chwarae'r rôl yn fersiwn trosleisio Sbaeneg y ffilm.[13]
  • Lombardo Boyar fel Plaza Mariachi, mariachi y mae Miguel yn cwrdd ym Mhlaza Santa Cecilia.[12]
    • Mae Boyar hefyd yn lleisio Gustavo, cerddor yng Ngwlad y Meirw.
  • Octavio Solis fel Arrival Agent.[12]
  • Gabriel Iglesias fel Clerk.[12]
  • Cheech Marin fel Corrections Officer.[12]
  • Carla Medina fel Departure Agent.[12]
    • Gwnaeth Medina ail-chwarae'r rôl yn fersiwn trosleisio Sbaeneg y ffilm.[13]
  • Blanca Araceli fel Emcee.[12]
  • Natalia Cordova-Buckley fel Frida Kahlo.[18]
  • Salvador Reyes fel gwarchodwr.[12]
    • Gwnaeth reyesail-chwarae'r rôl yn fersiwn trosleisio Sbaeneg y ffilm.[13]
  • John Ratzenberger fel Juan Ortodoncia[19]

Cyfeiriadau

golygu
  1. ↑ http://www.hollywoodreporter.com/news/pixars-coco-world-premiere-at-mexicos-morelia-fest-1018933.
  2. ↑ "Coco Press Kit" (PDF). Wdsmediafile.com. Archifwyd (PDF) o'r gwreiddiol ar January 3, 2018. Cyrchwyd November 28, 2017.
  3. ↑ "Coco Press Kit" (PDF). Wdsmediafile.com. Archifwyd (PDF) o'r gwreiddiol ar January 3, 2018. Cyrchwyd November 28, 2017.
  4. ↑ Giardina, Carolyn; Kit, Borys (July 14, 2017). "New Incredibles 2, Toy Story 4 Details Revealed at D23". The Hollywood Reporter. Archifwyd o'r gwreiddiol ar July 15, 2017. Cyrchwyd July 14, 2017.
  5. ↑ "Coco, the new Disney•Pixar movie, will open the 15th FICM". Festival Internacional del Cine en Morelia. July 21, 2017. Archifwyd o'r gwreiddiol ar October 17, 2017. Cyrchwyd November 6, 2017.
  6. ↑ Tartaglione, Nancy (November 15, 2017). "Coco's Otherworldly Mexico Run Lands Pixar Toon As Market's No. 1 Movie Ever". Deadline Hollywood. Archifwyd o'r gwreiddiol ar November 20, 2017. Cyrchwyd November 21, 2017.
  7. ↑ Tartaglione, Nancy (November 20, 2017). "'Justice League' Lassos $185M Overseas, $279M WW; 'Thor' Rocks To $739M Global – International Box Office". Deadline Hollywood. Archifwyd o'r gwreiddiol ar November 21, 2017. Cyrchwyd November 21, 2017.
  8. ↑ Trumbore, Dave (November 18, 2017). "This Week in Animation: Pixar's Coco Now Mexico's #1 Film of All-Time". Collider. Archifwyd o'r gwreiddiol ar November 20, 2017. Cyrchwyd November 21, 2017.
  9. ↑ McNary, Dave (November 15, 2017). "Disney-Pixar's Coco Breaks Box Office Record in Mexico". Variety. Archifwyd o'r gwreiddiol ar November 22, 2017. Cyrchwyd November 21, 2017.
  10. ↑ "9OSCARS". ABC. March 4, 2018. Archifwyd o'r gwreiddiol ar March 5, 2018. Cyrchwyd March 5, 2018.
  11. ↑ 11.0 11.1 11.2 11.3 Robinson, Joanna (December 6, 2016). "Pixar's Coco is a 'Love Letter to Mexico' in the Age of Trump". Vanity Fair. Archifwyd o'r gwreiddiol ar December 7, 2016. Cyrchwyd December 6, 2016.
  12. ↑ 12.00 12.01 12.02 12.03 12.04 12.05 12.06 12.07 12.08 12.09 12.10 12.11 12.12 12.13 12.14 12.15 Milligan, Mercedes (June 6, 2017). "Disney-Pixar Introduces the 'Coco' Character Family". Animation Magazine (yn Saesneg). Archifwyd o'r gwreiddiol ar June 10, 2017. Cyrchwyd June 8, 2017.
  13. ↑ 13.0 13.1 13.2 13.3 13.4 13.5 "Coco / Spanish cast". CHARGUIGOU (yn Saesneg). Archifwyd o'r gwreiddiol ar October 30, 2020. Cyrchwyd September 14, 2020.
  14. ↑ Wintraub, Steve (July 13, 2016). "Benjamin Bratt on 'The Infiltrator', 'Shot Caller' and Pixar's 'Coco'". Collider. Archifwyd o'r gwreiddiol ar July 17, 2016. Cyrchwyd July 23, 2016.
  15. ↑ ""Coco (Original Motion Picture Soundtrack)" by Various Artists on iTunes". Itunes.apple.com. November 10, 2017. Archifwyd o'r gwreiddiol ar December 30, 2017. Cyrchwyd January 20, 2018.
  16. ↑ Crust, Kevin (January 16, 2017). "'Coco' director Lee Unkrich gets down with the Day of the Dead for Pixar's fall release". Los Angeles Times. Archifwyd o'r gwreiddiol ar January 15, 2017. Cyrchwyd January 16, 2017.
  17. ↑ "Family tree" (JPG). family.disney.com. Archifwyd o'r gwreiddiol ar June 21, 2018. Cyrchwyd June 21, 2018.
  18. ↑ N'Duka, Amanda (October 24, 2017). "Nolan Gerard Funk Joins 'Berlin, I Love You'; Natalia Cordova-Buckley Set In 'Coco'". Deadline Hollywood. Archifwyd o'r gwreiddiol ar October 25, 2017. Cyrchwyd October 25, 2017.
  19. ↑ Laughing Place Disney Newsdesk (August 28, 2017). "John Ratzenberger Confirmed for "Coco"". Laughing Place. Archifwyd o'r gwreiddiol ar August 29, 2017. Cyrchwyd August 28, 2017.
Wedi dod o "https://cy.wikipedia.org/w/index.php?title=Coco_(ffilm_2017)&oldid=11761290"