Deimos (lloeren)

Mae Deimos (Groeg Δείμος , "ofnadwyaeth") yn un o ddwy loeren y blaned Mawrth. Mae'n llai na'i chwaer Phobos ond yn bellach i ffwrdd, 14,600 milltir oddi wrth y blaned Mawrth. Mae ganddi siâp hirsgwar afreolaidd. Mae'n cymryd 30 awr 18 munud i gylchdroi oddi amgylch y blaned sy'n golygu y byddai'n weladwy am 2.5 diwrnod Mawrthaidd. Fel yn achos Phobos, brithir wyneb Deimos â chraterau. Cuddir y wyneb gan haen o regolith sydd â dyfnder o tua 50m. Mae Deimos wedi ei enwi ar ôl un o feibion Ares (Mawrth) ym mytholeg Roeg.

Deimos

Enghraifft o:	lleuad o'r blaned Mawrth
Màs	1.48 ±0.04
Dyddiad darganfod	12 Awst 1877
Echreiddiad orbital	0.0002
Ffeiliau perthnasol ar Gomin Wicimedia

Phobos a Deimos dros Begwn Gogledd y blaned Mawrth: Deimos yw'r lleiaf, ar y dde (llun gwneud)

Llun cyfrannedd uchel o Ddeimos wedi'i gymryd o 30 km i ffwrdd. Mae'r rhan o wyneb y lloeren a welir yn mesuro 1.2 x 1.5 km ac mae'n dangos gwrthrychau o led mor fychan â 3m (Viking 2 Orbiter)

Eginyn erthygl sydd uchod am seryddiaeth. Gallwch helpu Wicipedia drwy ychwanegu ato.