Ares

(Ailgyfeiriad oddi wrth Ares (duw))

Duw rhyfel ym mytholeg Roeg oedd Ares (Hen Roeg: Ἄρης). Roedd yn un o'r Deuddeg Olympiad ac yn fab i Zeus a Hera.[1] Mewn gwirionedd roedd yn dduw ffyrnigrwydd a chreulondeb rhyfel, tra'r oedd ei hanner chwaer, Athena, yn dduwies strategaeth mewn rhyfel. Mae'n cyfateb i'r duw Mawrth yn y traddodiad Rhufeinig.

Cerflun o Ares o Fila Hadrian.

Ei gymdeithion mewn rhyfel oedd Deimos, "dychryn", a Phobos "ofn", yn ôl un chwedl ei feibion oeddynt, yn deillio o'i garwriaeth ag Aphrodite. Roedd Eris, duwies anghydfod, yn chwaer iddo. Yn ôl un chwedl, roedd ganddo fab, Cycnus (Κύκνος), a geisiodd adeiladu teml a phenglogau ac esgyrn teithwyr yr oedd wedi eu lladd.

CyfeiriadauGolygu

  1. Hesiod, Theogony 921 (Loeb Classical Library numbering); Iliad, 5.890–896.
  Eginyn erthygl sydd uchod am fytholeg. Gallwch helpu Wicipedia drwy ychwanegu ato