Richard Goodman Jones (Dic Goodman)
Bardd oedd Richard Goodman Jones (Dic Goodman) (20 Ionawr 1920 - 4 Mawrth 2013). Roedd yn frodor o Fynytho, penrhyn Llŷn, Gwynedd.
| Richard Goodman Jones | |
|---|---|
 | |
| Ganwyd | Richard Goodman Jones  20 Ionawr 1920 Mynytho |
| Bu farw | 4 Mawrth 2013 |
| Dinasyddiaeth |  Cymru |
| Galwedigaeth | bardd |
| Gwefan | http://www.dicgoodman.co.uk |
Bywgraffiad
golyguGanwyd Richard yn 1920 i'w fam, Kate, a'i dad Richard a fu farw o fewn tri mis i enedigaeth Richard. Ailbriododd ei fam o fewn ychydig. Nid oedd gan Richard frodyr na chwiorydd, heblaw am ei gyfneither Margaret, ac oedd gystal a chwaer iddo.
Magwyd Richard yn Mynytho, lle yr aeth i Ysgol Foel Gron. Ni adawodd ardal ei fagwraeth. Yn 1952 priododd hefo Laura Ellen Jones, a daeth yn dad i ddau o blant, Sian a Dafydd. Bu Richard yn gweithio mewn llawer o swyddi, o werthu yswiriant i fod yn athro yn Ysgol Pont-y-Gof. Bu farw yng nghartref gofal Glyn Menai ar y 4ydd o Fawrth, 2013.
Gwaith llenyddol
golyguYn ei flynyddoedd cynnar, yr oedd yn aelod adnabyddus o'r gymuned, yn aml yn cymryd rhan mewn eisteddfodau o gwmpas y wlad. Enillodd y gadair ychydig o weithiau. Cyhoeddodd lawer o lyfrau o'i farddoniaeth, yn cynnwys Hanes y Daith, a hefyd llyfr am y gofod. Roedd yn fwyaf adnabyddus am lunio englynion. Cyfeirir ato yn y Cydymaith i Lenyddiaeth. Gwelir peth o'i waith yn Awen Arfon.[1] Bu hefyd yn golygu Llen y Llanw.[2]
Llyfryddiaeth
golygu- Codi Hwyl (1974)
- Caneuon y Gwynt a'r Glaw (1975)
- Yr Wybren Las Faith (1976)
- I'r Rhai sy'n gweld Rhosyn Gwyllt (1979)
- Hanes y Daith (199?)
Ffynonellau
golygu- ↑ Gareth Neigwl - Perlau Dic Goodman yn y Faner Newydd 2013
- ↑ Gwefan penllyn.com - papur gydag ef yn olygydd. Archifwyd 2016-03-04 yn y Peiriant Wayback Adalwyd Mai 2014.