Eglwys y Santes Wenllwyfo

Eglwys a godwyd yn y 19g ger Dulas, Ynys Môn, yng ngogledd-ddwyrain yr ynys yw Eglwys y Santes Wenllwyfo.

Eglwys newydd y Santes Wenllwyfo
Eglwys newydd y Santes Wenllwyfo o'r de-orllewin
Lleoliad	Dulas, Ynys Môn
Gwlad	Cymru
Cristnogaeth	Yr Eglwys yng Nghymru
Hanes
Sefydlwyd	1856
Cysegrwyd i	Llanwenllwyfo
Pensaerniaeth
Statws	Eglwys y Plwyf
Statws gweithredol	Ar agor
Dynodiad (etifeddiaeth)	Gradd II*
Dynodiad	12 Mai 1970
Pensaer/i	Henry Kennedy
Pensaerniaeth	Eglwys
Math o bensaerniaeth	Gothig Newydd
Manylion
Defnydd	Carreg a tho llechi
Administration
Plwyf	Amlwch
Deoniaeth	Twrcelyn
Archddeoniaeth	Bangor
Esgobaeth	Esgobaeth Bangor
Rhanbarth eglwysig	Cymru
Clergy
Priest in charge	H V Jones

Fe'i codwyd rhwng 1854 a 1856 yn lle'r hen eglwys o'r un enw sydd bellach yn adfeilion. Cysegrwyd y ddwy i santes leol na wyddys fawr ddim amdani, sef Gwenllwyfo. Roedd yr hen eglwys yn rhy fach ac mewn cyflwr gwael, felly gadawyd hi i ddadfeilio a chodwyd eglwys newydd yn ei lle, ychydig yn nes at Ystad Llys Dulas. Cyfrannodd perchennog Llys Dulas £936 at y gost o £1,417 er mwyn ei chael yn nes at ei dŷ, er bod trwch y gynulleidfa ymhellach oddi wrthi. Mae'r eglwys yn un o bedair ym mhlwyf Amlwch ac fel gweddill eglwysi Môn, mae'n rhan o Esgobaeth Bangor.

Yn 1876, cyfrannodd Arundell Neave (a oedd wedi priodi un o deulu Llys Dulas) 27 chwarel o wydr a ddaeth yma o fynachdy yn Fflandrys.

Oherwydd y ffenestri hyn mae wedi'ch chofrestru'n Gradd II* gan Cadw.

Yn 2017 roedd gwasanaethau'n dal i gael eu cynnal yn yr eglwys newydd.