Agor y brif ddewislen

Eluned Parrott

gwleidydd Cymreig

Gwleidydd i'r Democratiaid Rhyddfrydol Cymreig yw Eluned Parrott (ganwyd 1974). Roedd hi'n Aelod Cynulliad (AC) rhwng 2011 a 2016.

Eluned Parrott
Eluned Parrott (6324905297).jpg
Aelod o Cynulliad Cenedlaethol Cymru
dros Canol De Cymru
Mewn swydd
5 Mai 2011 – 5 Mai 2016
Rhagflaenwyd gan Gareth Bennett
Manylion personol
Plaid wleidyddol Democratiaid Rhyddfrydol Cymreig

BywgraffiadGolygu

Ganwyd Eluned yn Y Fenni. Astudiodd yn Ysgol Golegol San Pedr, yn Wolverhampton. Cafodd radd mewn Cerddoriaeth ym Mhrifysgol Caerdydd, ac mae ganddi ddiploma ôl-raddedig mewn marchnata o'r Sefydliad Siartredig Marchnata.[angen ffynhonnell]

Cyn dod yn Aelod Cynulliad, gweithiodd fel rheolwr ymgysylltu cymunedol i Brifysgol Caerdydd, yn arwain tîm a oedd yn trefnu allgymorth addysgol a digwyddiadau cymunedol ar gyfer y cyhoedd. Mae hi wedi byw yn rhanbarth Canol De Cymru ers 1993; deng mlynedd yn etholaethau Canol Caerdydd a Gorllewin Caerdydd, ac yna deng mlynedd ym Mro Morgannwg.

Cystadlodd Eluned am sedd Bro Morgannwg yn etholiad cyffredinol 2010.[1] Does gan y Democratiaid Rhyddfrydol Cymreig fawr o hanes o lwyddiant yn y sedd hon. Derbyniodd 15.2 y cant o'r bleidlais, y rhaniad pleidlais mwyaf i'r Democratiaid Rhyddfrydol Cymreig ar gyfer y sedd ers degawdau.[2]

Hi oedd y Democratiad Rhyddfrydol Cymreig cyntaf i gael ei hethol i Ranbarth Canol De Cymru yn 2011 ar ôl i'r ymgeisydd cyntaf, John Dixon, fethu ag ailennill ei sedd ar ôl cael ei wahardd.[3] Cafodd ei wahardd gan ei fod yn aelod o Gyngor Gofal Cymru. Ym mis Gorffennaf 2011, cafodd y portffolios Menter, Cludiant, Ewrop a Busnes gan yr arweinydd Kirsty Williams. O ganlyniad, yn y Cynulliad roedd hi'n eistedd ar y Pwyllgor Menter a Busnes a'r Pwyllgor Materion Cyfansoddiadol a Deddfwriaethol.[4]

Mae Eluned yn byw yn y Rhws, ym Mro Morgannwg.[angen ffynhonnell]

CyfeiriadauGolygu

  1. "Vale of Glamorgan results, 2010". The Guardian. Cyrchwyd 14 Mawrth 2012.
  2. "Eluned Parrott". Welsh Liberal Democrats. Cyrchwyd 14 Mawrth 2012.
  3. "No return to Welsh assembly for Lib Dems' John Dixon". BBC News. 5 Gorffennaf 2011.
  4. "Welsh Liberal Democrat Shadow Ministers announced". Freedom Central. 11 Gorffennaf 2011.