Emyr Oernant
Ffermwr a bardd o Gymro oedd Emyr Jones (1 Ebrill 1932 – 16 Ebrill 2018) a adwaenid fel Emyr Oernant.[1]
| Emyr Oernant | |
|---|---|
| Ganwyd | 1 Ebrill 1932  |
| Bu farw | 16 Ebrill 2018 |
| Dinasyddiaeth | y Deyrnas Unedig |
| Galwedigaeth | bardd, ffermwr |
Cafodd ei fagu yn Llwyncelyn ger Aberaeron cyn i'w deulu symud i fferm Oernant ar gyrion Aberteifi, pan oedd yn ei arddegau. Bu'n ffermio yno gyda'i fab Richard hyd ei farwolaeth.[2]
Mynychodd ddosbarthiadau cerdd dafod T. Llew Jones. Un o'i gyd-aelodau yn y gwersi yn yr 1980au oedd Ceri Wyn Jones, a ddywedodd amdano "…mi synhwyrais yn syth fod hwn yn ddyn ffraeth a galluog, a chanddo ffordd wreiddiol – a digyfaddawd – o fynd at ei bethau,".[3]
Daeth yn enw cyfarwydd fel aelod o dîm Tan-y-groes – un o dimau gwreiddiol cyfres radio Talwrn y Beirdd ddiwedd y 1970au. Ymfalchiodd fod ei dîm wedi dod yn Bencampwyr y Talwrn yn 1997.[4]
Roedd yn briod a Mary Emily Jones a fu farw yn 76 mlwydd oed ar 4 Medi 2010. Roedd ganddynt ddau o blant, Elin a Richard.[5]
Cyfeiriadau
golygu- ↑ Tanygroes v Y Glêr. BBC Cymru Fyw. Adalwyd ar 18 Ebrill 2018.
- ↑ Y bardd Emyr Oernant Jones wedi marw'n 86 oed , BBC Cymru Fyw, 18 Ebrill 2018.
- ↑ Meuryn y Talwrn yn cofio “cymeriad unigryw” , Golwg360, 18 Ebrill 2018.
- ↑ Marw’r bardd a’r ffermwr, Emyr Oernant , Golwg360, 18 Ebrill 2018.
- ↑ MARY JONES : Obituary. Media Wales (8 Medi 2010). Adalwyd ar 18 Ebrill 2018.