Agor y brif ddewislen

Evan Pan Jones

gweinidog gyda'r Annibynwyr

Llenor Cymraeg, gweinidog annibynnol, golygydd a diwygiwr cymdeithasol oedd Evan Pan Jones (12 Mehefin 18348 Mai 1922).[1]

Evan Pan Jones
Ganwyd 12 Mehefin 1834 Edit this on Wikidata
Llandysul Edit this on Wikidata
Bu farw 8 Mai 1922 Edit this on Wikidata (87 oed)
Dinasyddiaeth Baner Cymru Cymru
Galwedigaeth gweinidog Edit this on Wikidata

BywgraffiadGolygu

Cafodd ei eni ym mhlwyf Llandysul, Ceredigion yn 1834. Ar ôl cael ei addysgu yng ngholegau'r Annibynwyr yng Nghymru ac ym Mhrifysgol Marburg yn yr Almaen, aeth yn weinidog yn y Fflint lle treuliodd weddill ei oes.

Cyfranodd yn helaeth i'r ddadl yn y wasg dros ddatgysylltu'r Eglwys Anglicanaidd yng Nghymru, yn enwedig yn ei swydd fel golygydd papur newydd Y Celt. Fel diwygiwr cymdeithasol, roedd yn gadarn o blaid y ffermwyr llai yn erbyn y meistri tir gan argymell gwladoli'r tir yng Nghymru a gwneud i ffwrdd â'r stadau mawr.

Fel llenor, ysgrifennodd gofiannau i Samuel Roberts ('S.R. Llanbrynmair') a'i frodyr ac i Michael D. Jones, arloeswr Y Wladfa, ynghyd â sawl erthygl, hunangofiant a drama.

LlyfryddiaethGolygu

  • Y Dydd Hwn: Annibyniaeth yn Symud fel Cranc (1880). Drama.
  • Cofiant y Tri Brawd o Lanbryn-mair (1892)
  • Cofiant Michael D. Jones (1903)
  • Oes Gofion (dim dyddiad, tua 1905). Hunangofiant.

Gweler hefydGolygu

CyfeiriadauGolygu

  1. Meic Stephens (gol.), Cydymaith i Lenyddiaeth Cymru