Gwastadedd Caersallog
Llwyfandir sialc yn ne-orllewin Lloegr yw Gwastadedd Caersallog (Saesneg: Salisbury Plain), sy'n ymestyn dros 300 milltir sgwâr (780 km²). Mae'n rhan o system o iseldiroedd sialc ledled de Lloegr. Mae'n gorwedd yn bennaf o fewn Wiltshire, ond yn ymestyn i Hampshire. Mae cyfran helaeth o'r gwastadedd wedi ei neilltuo ar gyfer hyfforddiant milwrol ac felly mae'r ardal yn denau ei phoblogaeth; dyma'r ardal fwyaf o laswelltir calchaidd sy'n weddill yng ngogledd-orllewin Ewrop.
| Math | glaswelltir calchaidd  |
|---|---|
| Daearyddiaeth | |
| Gwlad |  Lloegr |
| Cyfesurynnau | 51.155°N 1.809°W |
 | |
Mae ei ffiniau braidd yn amwys, ond yn gyffredinol fe'i lleolir i'r gogledd o ddinas Caersallog, i'r de o dref Devizes; saif trefi Warminster i'r gorllewin a Ludgershall i'r dwyrain. Tref Amesbury yw'r anheddiad mwyaf ar y gwastadedd ei hun. Mae lleoedd llai yn cynnwys pentrefi Chitterne, Shrewton a Tilshead, yn ogystal â nifer o wersylloedd y fyddin.
Mae'r gwastadedd yn enwog am ei safleoedd archeolegol, sy'n cynnwys Côr y Cewri.
Gan fod rhannau helaeth o’r ardal yn anhygyrch i’r cyhoedd, mae’n hafan bywyd gwyllt, ac yn gartref i ddwy warchodfa natur genedlaethol.
Oriel
golygu-
Glaswelltir nodweddiadol yr ardal ar Netheravon Down -
Arwydd rhybudd mewn maes tanio milwrol ger Market Lavington -
Côr y Cewri o'r de-ddwyrain -
Crugiau crynion i'r gogledd o Gôr y Cewri
