Gwaun Bodmin

Rhosdir carreg gwenithfaen gweddol uchel sy'n gorwedd yng ngogledd-dwyrain Cernyw, De-orllewin Lloegr, yw Gwaun Bodmin (Cernyweg: Goon Brenn; Saesneg: Bodmin Moor). Mae ganddo arwynebedd o tua 208 km² (80 milltir sgwar) ac yn ddaearegol mae'n dyddio o'r cyfnod Carbonifferaidd.

Gwaun Bodmin

Math	ardal gadwriaethol, cyforgors, masiff
Daearyddiaeth
Sir	Cernyw
Gwlad	Lloegr  Cernyw
Cyfesurynnau	50.5625°N 4.6132°W
Statws treftadaeth	International Dark Sky Park
Manylion
Ffeiliau perthnasol ar Comin

Y Cheesewring, un o'r torau sy'n britho tirlun Gwaun Bodmin

Mae'r enw Saesneg arno, "Bodmin Moor", yn gymharol ddiweddar; cafodd ei lunio gan yr Arolwg Ordnans yn 1813. Gorwedd tref fechan Bodmin ar gyrion de-orllewinol y waun. Yr enw cynharach yn Saesneg oedd "Fowey Moor", ar ôl Afon Fowey sy'n rhedeg trwy'r ardal. Goen Bren yw'r enw yn Gernyweg.

Mae torau gwenithfaen trawiadol yn codi o'r waun, yn cynnwys creigiau Bron Wennyly (Brown Willy), pwynt uchaf Cernyw (417m, 1368 troedfedd) a Rough Tor (400m, 1313 troedfedd).

Ceir tua mil o ferlod yn pori'r tir uchel a rhai miloedd o wartheg hefyd. Yn yr ardal, ceir 57 o gylchoedd cerrig.

Eginyn erthygl sydd uchod am Gernyw. Gallwch helpu Wicipedia drwy ychwanegu ato

Eginyn erthygl sydd uchod am ddaearyddiaeth Lloegr. Gallwch helpu Wicipedia drwy ychwanegu ato.