Gwendoline Trubshaw

Roedd Gwendoline Joyce Trubshaw, DBE (1887 - 8 Tachwedd 1954) yn swyddog yn y sector cyhoeddus yng Nghymru a gymerodd ddiddordeb arbennig mewn recriwtio ar gyfer yr Ail Ryfel Byd, ac mewn lles menywod. Roedd hi'n aelod etholedig o Gyngor Sir Gaerfyrddin a chyflawnodd nifer o rolau blaenllaw mewn ystod o sefydliadau addysg ac iechyd.

Gwendoline Trubshaw
Ganwyd	20 Rhagfyr 1886
Bu farw	8 Tachwedd 1954  Llundain
Dinasyddiaeth	Cymru
Galwedigaeth	swyddog, gweithiwr cymdeithasol
Gwobr/au	Bonesig Cadlywydd Urdd yr Ymerodraeth Brydeinig

Magwraeth

Roedd Trubshaw yn ferch i Ernest a Lucy Trubshaw, o Ael-y-bryn, Felin-foel, Llanelli, a bedyddiwyd hi ar 1 Ebrill 1887. Roedd hi'n byw yn Cae'r Delyn, Llanelli, ond bu farw yn Llundain ar 8 Tachwedd 1954.

Roedd Trubshaw yn gyfrifol am recriwtio menywod ar gyfer gwasanaeth rhyfel yn ystod y Rhyfel Byd Cyntaf; cymerai ddiddordeb dwfn yn eu lles a gweithiodd yn agos gyda nhw yn y ffatrïoedd creu arfau. Oherwydd ei gwaith fel cadeirydd Pwyllgor Pensiynau Rhyfel De-orllewin Cymru ac ysgrifennydd anrhydeddus Cymdeithas Teuluoedd y Milwyr, y Morwyr a'r Awyrenwyr, fe gyflwynwyd iddi'r CBE ym 1920.