Gwerinwr (gwyddbwyll)
Darn Gwyddbwyll yw Gwerinwr.
Symud Gwerinwr
golygu
Er ei fod yn ddarn bach, ac er bod rhai chwaraewyr Gwyddbwyll yn ei ystyried yn gymharol ddiwerth, mae Gwerinwr yn gallu ennill neu golli gêm yn aml. Hwn yw'r unig ddarn sy'n symud yn wahanol wrth gymryd darn arall, a hwn hefyd yw'r unig un sy'n gallu cael ei gyfnewid (dyrchafu) am ddarn arall. Mae'r diagram ar y dde yn dangos sut mae Gwerinwr yn symud:
- Y tro cyntaf byddi di'n symud Gwerinwr mae gen ti ddewis ei symud un neu ddau sgwâr, fel Gwerinwr gwyn yn y diagram.
- Wedi i ti ei symud unwaith, dim ond un sgwâr all Gwerinwr symud wedyn fel Gwerinwr du yn y diagram.
- Gwerinwr yw'r unig ddarn sy'n methu symud am yn ôl.
- Os yw Gwerinwr yn cyrraedd pen arall y bwrdd mae'n rhaid i ti ei gyfnewid am ddarn arall (unrhyw beth heblaw Brenin), a Brenhines yw dewis cyntaf y rhan fwyaf o chwaraewyr, yn naturiol. Os oes gen ti Frenhines ar y bwrdd o hyd tro un o'r cestyll sydd wedi'u cipio ar ei ben a defnyddio hwn fel Brenhines.
Cipio gyda Gwerinwr
golygu
Pan fod Gwerinwr yn cipio darn mae'n symud mewn ffordd wahanol. Fel y gweli o'r diagram mae'n symud un sgwâr yn lletraws wrth gipio. Unwaith eto, dim ond ymlaen y gall symud wrth gipio.
Mae un symudiad arall anarferol iawn yn perthyn i Werinwr, sef cipio en passant.
