Gwersyll difa
Gwersyll difa yw'r term a ddefnyddir am wersyll oedd wedi ei fwriadu i ladd cynifer ag oedd modd o garcharorion. Mae'n whanol i wersyll crynhoi arferol, er y gellir ei ystyried fel math arbennig o wersyll crynhoi. Adeiladwyd nifer o wersylloedd difa gan lywodraeth Natsïaidd yr Almaen yn nghyfnod yr Ail Ryfel Byd. Iddewon oedd y mwyafrif o'r rhai a laddwyd yn y gwersylloedd hyn, ond lladdwyd niferoedd sylweddol o nifer o grwpiau eraill hefyd, yn cynnwys y Roma, carcharorion rhyfel o'r Undeb Sofietaidd, pobl hoyw, pobl anabl, Tystion Jehovah ac eraill.
 | |
| Data cyffredinol | |
|---|---|
| Math | gwersyll crynhoi Natsïaidd  |
 Ffeiliau perthnasol ar Gomin Wicimedia | |
Nid oes cytundeb hollol pa wersylloedd y gellir eu hystyried yn wersylloedd difa a pha rai a ystyrir yn wersylloedd crynhoi.
- Auschwitz, yng Ngwlad Pwyl; lladdwyd tua 1.1 miliwn yn Auschwitz-Birkenau (Auschwitz II).
- Treblinka yng Ngwlad Pwyl (900,000)
- Belzec yng Ngwlad Pwyl (436,000)
- Maly Trostenets yn Belarws (200,000 - 500,000)
- Chełmno yng Ngwlad Pwyl (340,000)
- Majdanek ger Lublin yng Ngwlad Pwyl (300,000 - 350,000)
- Sobibór yng Ngwlad Pwyl (170,165)