Henry 'Hotspur' Percy

Uchelwr o Loegr a mab hynaf Henry Percy, Iarll 1af Northumberland, oedd Syr Henry Percy, mwy adnabyddus wrth ei lysenw Hotspur neu Harry Hotspur (20 Mai 1364/1366 – 21 Gorffennaf 1403).

Henry 'Hotspur' Percy
Ganwyd	20 Mai 1364  Gogledd Swydd Efrog
Bu farw	21 Gorffennaf 1403  o lladdwyd mewn brwydr  Amwythig
Dinasyddiaeth	Teyrnas Lloegr
Galwedigaeth	marchog
Tad	Henry Percy, Iarll 1af Northumberland
Mam	Margaret Neville
Priod	Elizabeth Mortimer
Plant	Henry Percy, Elizabeth Percy
Llinach	teulu Percy
Gwobr/au	Urdd y Gardas, Marchog Faglor

Mae Hotspur yn ailgyfeirio i'r dudalen hon. Gweler hefyd Hotspur (gwahaniaethu).

Bywgraffiad

Ganed ef yng nghastell Spofforth yn Northumberland. Daeth yn amlwg fel rhyfelwr, gan ymladd yn erbyn yr Alban a Ffrainc. Yn Awst 1388, gorchfygwyd ef a'i gymeryd yn garcharor ym Mrwydr Otterburn gan fyddin Albanaidd dan James Douglas, 2il Iarll Douglas. Bu'n Llywodraethwr Bordeaux o 1393 hyd 1395. Wedi dychwelyd o Ffrainc, cynorthwyodd ei dad i ddiorseddu Rhisiart II, brenin Lloegr a rhoi Henry o Bolingbroke ar yr orsedd fel Harri IV.

Brwydr yr Amwythig; darlun allan o A tour in Wales gan Thomas Pennant (1726-1798)

Yn 1403, gwrthryfelodd ef a'i ewythr, Thomas Percy, Iarll Caerwrangon, yn erbyn Harri IV, a gwnaeth gytundeb ag Owain Glyndŵr. Cyn iddo fedru ymuno â lluoedd Glyn Dŵr, lladdwyd ef ym Mrwydr Amwythig yn erbyn y brenin. Dywedir fod ei fyddin yn trechu byddin y brenin, ond cododd Hotspur ddarn gwyneb ei helm, a tharawyd ef gan saeth, a'i ladd yn y fan. Heb eu harweinydd, ffôdd ei fyddin.