Homogeneiddio

Mae homogeneiddio yn derm a ddefnyddir mewn nifer o feysydd megis cemeg, gwyddoniaeth amaethyddol, technoleg bwyd, cymdeithaseg a bioleg celloedd. Mae'r term yn cyfeirio at broses sy'n creu cymysgedd sydd yn gyson trwy gydol sylwedd.

Homogeneiddio

Math	techneg labordy, cymysgu

Cemeg

Y broses o gymysgu arddwys dwy wedd sy'n anhydawdd, weithiau wrth ychwanegu gwlychyddion (syrffactyddion) er mwyn creu daliant neu emwlsiwn hydawdd.

Technoleg bwyd

Mae prosesu llaeth yn un o'r defnyddiau hynaf o homogeneiddio. Caiff llaeth ei homogeneiddio i atal neu oedi gwahaniad naturiol hufen oddi wrth gweddill yr emwlsiwn. Mae'r braster mewn llaeth fel arfer yn gwahanu oddi wrth y dŵr ac yn casglu ar y top. Mae homogeneiddio'n torri braster i lawr i feintiau llai, fel nad yw'n gwahanu, gan alluogi i laeth cael ei werthu'n gyflawn, neu gyda 1% neu 2% o fraster ynddi. Cwblheir y broses o homogeneiddio llaeth drwy orfodi'r llaeth drwy dyllau bychain dan wasgedd uchel.

Cyfeiriadau

Eginyn erthygl sydd uchod am wyddoniaeth. Gallwch helpu Wicipedia drwy ychwanegu ato.