Hugh Reveley
Roedd Hugh Reveley (15 Gorffennaf 1772 - 9 Tachwedd 1851) yn was sifil Seisnig a thirfeddiannwr yn Sir Feirionnydd.
| Hugh Reveley | |
|---|---|
| Ganwyd | 15 Gorffennaf 1772  Camberwell |
| Bu farw | 9 Tachwedd 1851 |
| Man preswyl | Dolgellau |
| Galwedigaeth | tirfeddiannwr |
Ganwyd Reveley yn Camberwell, Surrey[1] yn fab i Hugh Reveley, casglwr trethi, a 'i wraig, Jane, merch Phillip Champion de Crespingny.
Cafodd ei addysgu yn Eglwys Crist, Rhydychen gan ymuno a'r coleg ym 1791 a graddio fel Baglor y Gyfraith Cyffredin ym 1799.[2]
,_Dolgellau_NLW3361389.jpg)
Bu'n gweithio fel ysgrifennydd Syr John Mitford, Llefarydd Tŷ'r Cyffredin a phan dyrchafwyd Mitford i Dŷ'r Arglwyddi fel y Barwn Redesdale a changhellor yr Iwerddon gwasanaethodd Reveley fel ceidwad ei bwrs (trysorydd / cyfrifydd y Canghellor) [3]
Ym 1803 priododd Jane unig ferch ac etifedd Robert Hartley Owen, Bryn y Gwin, Dolgellau a thrwy hynny daeth yn berchennog y plasty a'i ystâd o 66 cyfer. Bu iddynt fab, Hugh John Reveley, a merch Jane Frances. Yn fuan wedi'r briodas cychwynnwyd ar y gwaith o adeiladu plasty newydd Bryn y Gwin.[4]
Gwasanaethodd fel Ynad heddwch ar fainc Meirionnydd, fel dirprwy raglaw'r sir ac fel Uchel Siryf Sir Feirionnydd ym 1811.
Bu farw ym Mryn y Gwin yn 80 mlwydd oed [5] a chladdwyd ei weddillion ym mynwent Eglwys St Mair Dolgellau [6]
Cyfeiriadau
golygu- ↑ Yr Archif Genedlaethol Cyfrifiad Dolgellau 1851 HO107/2511 Ffolio 295 tud 13
- ↑ https://en.wikisource.org/wiki/Page:Alumni_Oxoniensis_(1715-1886)_volume_3.djvu/424
- ↑ A Genealogical and Heraldic History of the Commoners of Great Britain and Ireland, Enjoying Territorial Possessions Or High Official Rank: But Univested with Heritable Honours, Volume 3 John Burke 1836)
- ↑ Listed Buildings, Bryn y Gwin Isaf
- ↑ "Family Notices - The North Wales Chronicle and Advertiser for the Principality". Kenmuir Whitworth Douglas. 1851-11-20. Cyrchwyd 2016-06-22.
- ↑ Cymdeithas Hanes Teuluoedd Meirionnydd, Adysgrifau Cerrig Coffa mynwent Eglwys Santes Fair Dolgellau rhif 639