John Ingleby
Arlunydd topograffyddol a arbenigai mewn cynhyrchu golygfeydd bychain mewn dyfrlliw oedd John Ingleby (1749 – 1808). Brodor o Helygain, Sir y Fflint, ydoedd a chyhoeddwyd ei waith fel darluniau yng nghyfrolau Thomas Pennant (1726-1798). Bu farw yn 1808 yn ei fro enedigol a noda cofnodion y plwyf ei alwedigaeth fel 'limner'. Roedd 'limner' yn enw a roid ar grefftwyr oedd yn gweithio ar raddfa fechan, efallai ar ddarluniau miniatur, ac yn dynodi arlunydd-grefftwr oedd wedi sefydlu enw iddo'i hun.[1]
| John Ingleby | |
|---|---|
 | |
| Ganwyd | 1749  Helygain |
| Bu farw | 1808 Helygain |
| Dinasyddiaeth |  Cymru |
| Galwedigaeth | arlunydd |
| Adnabyddus am | Paentiadau dyfrlliw gan John Ingleby |
| Mudiad | Ôl-argraffiaeth |
Gwelir crefft Ingleby ar ei orau yn ei drefluniau bychain lle mae ei allu i nodi manylion pitw wedi rhoi inni gofnodion unigryw a phwysig o fywyd trefol Gogledd Cymru. Nodweddir ei ddarluniau gan liwio gwastad mewn dyfrlliw ysgafn tryloyw.
Rhestr o luniau golygu
Mae mwyafrif y gwaith a gedwir yn Llyfrgell Genedlaethol Cymru yn darlunio golygfeydd yng Ngogledd Cymru. Dyma'r casgliad:
Rhestr Wicidata:
Cyfeiriadau golygu
- ↑ [https://web.archive.org/web/20160317061138/https://www.llgc.org.uk/cy/darganfod/oriel-ddigidol/pictures/inglebywatercolours/ Archifwyd 2016-03-17 yn y Peiriant Wayback. Gwefan Llyfrgell Genedlaethol Cymru]; cafwyd caniatâd i atgynhyrchu'r wybodaeth a welir yn yr erthygl hon.
