Jonathan Steinberg

Hanesydd Americanaidd oedd Jonathan Steinberg (8 Mawrth 19344 Mawrth 2021) sydd yn nodedig am ei fywgraffiad o Otto von Bismarck, Bismarck: A Life (2011).

Jonathan Steinberg
Ganwyd8 Mawrth 1934 Edit this on Wikidata
Dinas Efrog Newydd Edit this on Wikidata
Bu farw4 Mawrth 2021 Edit this on Wikidata
Caergrawnt Edit this on Wikidata
DinasyddiaethUnol Daleithiau America Edit this on Wikidata
Alma mater
Galwedigaethhanesydd, academydd Edit this on Wikidata
Cyflogwr
  • Prifysgol Pennsylvania Edit this on Wikidata
TadMilton Steinberg Edit this on Wikidata
PriodMarion Kant Edit this on Wikidata
PlantPeter Steinberg Edit this on Wikidata

Ganed yn Efrog Newydd i deulu Iddewig. Rabi yn synagog Park Avenue, Manhattan, oedd ei dad Milton Steinberg. Mynychodd Jonathan ysgol flaengar Walden, a dan nawddogaeth y teulu Warburg cafodd ei anfon i Brifysgol Harvard. Derbyniodd ei radd mewn economeg ym 1955.[1]

Aeth i Brifysgol Caergrawnt ym 1961 i gychwyn ar ei ddoethuriaeth dan oruchwyliaeth Harry Hinsley. Penodwyd Steinberg yn gymrawd ymchwil yng Ngholeg Crist ym 1963, ac yn gymrawd yng Neuadd y Drindod ac yn is-ddarlithydd yng Nghaergrawnt ym 1966. Cyhoeddodd ei draethawd doethurol ar ffurf y llyfr Yesterday's Deterrent: Tirpitz and the Birth of the German Battle Fleet (1965). Cafodd ei ddewis i diwtora Siarl, Tywysog Cymru ar bwnc hanes.[1]

CyfeiriadauGolygu

  1. 1.0 1.1 (Saesneg) Richard J. Evans, "Jonathan Steinberg obituary", The Guardian (21 Mawrth 2021). Adalwyd ar 22 Mawrth 2021.