Llenor a gwleidydd Ecwadoraidd oedd Juan León Mera (28 Mehefin 183213 Rhagfyr 1894) sydd yn nodedig am ysgrifennu geiriau anthem genedlaethol Ecwador "¡Salve, Oh Patria!" a'r nofel Indianista Cumandá (1879).

Juan León Mera
Juan León Mera (1870).jpg
Ganwyd 28 Mehefin 1832 (in Julian calendarEdit this on Wikidata
Ambato Edit this on Wikidata
Bu farw 13 Rhagfyr 1894 Edit this on Wikidata (62 oed)
Ambato Edit this on Wikidata
Dinasyddiaeth Ruso Edit this on Wikidata
Galwedigaeth arlunydd, ysgrifennwr, arlunydd Edit this on Wikidata
Swydd Deputy of the National Congress of Ecuador Edit this on Wikidata
Adnabyddus am Cumandá Edit this on Wikidata

Ganed yn San Juan de Ambato, yng nghanolbarth Ecwador, a bu farw yno yn 62 oed.

Gyrfa lenyddolGolygu

Mynegir syniadau Mera ynglŷn â magu diwylliant cenedlaethol yn ei ysgrif Ojeada histórico-crítica sobre la poesía ecuatoriana (1868) ac yn ei lythyr at yr ysgolhaig Sbaenaidd Marcelino Menéndez y Pelayo yn 1883. Ym 1874 sefydlodd Academi Ecwadoraidd yr Iaith Sbaeneg, ar batrwm Academi Frenhinol Sbaen, yn Quito. Ymdrechodd i boblogeiddio llenyddiaeth yn Ecwador drwy ei feirniadaeth lenyddol a'i ymchwil i hanes y wlad.[1]

Yn ogystal â "¡Salve, Oh Patria!", mae barddoniaeth Mera yn cynnwys Melodías indígenas (1858), a'r chwedl Inca ar fydr La virgen del Sol (1861). Mae ei gampwaith, y nofel Cumandá; o, Un drama entre salvajes (1879), yn adrodd stori Carlos a Cumandá, sydd yn syrthio mewn cariad â'i gilydd heb wybod eu bod yn frawd a chwaer. Dyma'r esiampl amlycaf yn llên Ecwador o'r genre Indianismo, sydd yn cyfleu darluniau Rhamantaidd a sentimental o fywydau brodorion yr Amerig. Mae portread yr offeiriaid Sbaenaidd yn Cumandá yn nodweddiadol o themâu Catholig yn ei waith.[1]

Gyrfa wleidyddolGolygu

Aelod o'r Blaid Geidwadol oedd Mera, a gwasanaethodd yn seneddwr, yn llywodraethwr, ac yn weinidog y Swyddfa Archwiliadau. Yn ystod llywodraeth yr Arlywydd Gabriel García Moreno, defnyddiodd Mera ei safle i hyrwyddo'r Concordat rhwng Ecwador â'r Esgobaeth Sanctaidd.[1]

CyfeiriadauGolygu

  1. 1.0 1.1 1.2 (Saesneg) Angel Esteban, "Mera, Juan León (1832–1894)" yn Encyclopedia of Latin American History and Culture. Adalwyd ar Encyclopedia.com ar 22 Hydref 2020.

Darllen pellachGolygu

  • Marina Gálvez (gol.), Coloquio Internacional "Juan León Mera", 2 gyfrol (Ambato, Ecwador: Casa de Montalvo, 1998).
  • Víctor Manuel Garcés, Vida ejemplar y obra fecunda de Juan León Mera (Ambato, Ecwador: Ed. Pío XII, 1963).
  • Darío C. Guevara, Juan León Mera; o, El hombre de cimas (Quito: Ministerio de Educación Pública, 1944).
  • Julio Pazos, (gol.), Juan León Mera: Una visión actual (Quito: Corporación Editora Nacional, 1995).