Kālidāsa

Bardd a dramodydd yn yr iaith Sansgrit oedd Kālidāsa (Devanāgarī: कालिदास, "gwas Kali"). Ystyrir mai ef yw ffigwr pwysicaf mewn llenyddiaeth Sansgrir glasurol.

Kālidāsa
Ganwyd	Unknown  Unknown
Bu farw	Unknown
Galwedigaeth	bardd, awdur geiriau, dramodydd, llenor, sgriptiwr ffilm
Blodeuodd	c. 4 g
Adnabyddus am	Raghuvaṃśa, Abhijñānaśākuntalam, Mālavikāgnimitram, Vikramōrvaśīyam, Kumārasaṃbhava, Meghadūta, Ṛtusaṃhāra
Arddull	arwrgerdd, telyneg, drama fiction, Sanskrit drama

Golygfa o'r Abhijñānaśākuntalam; Shakuntala yn troi'n ôl i edrych ar Dushyanta. Darlun gan Ravi Raj Varma.

Nid oes sicrwydd pryd nag ymhle roedd yn byw; credir ei fod yn byw yng ngyfnod Gupta, efallai rywbryd yn y 4edd neu'r 5g OC. Ceir cyfeiriad ato gan yr Aihole Prashasti yn 634, felly ni all fod yn ddiweddarach na hyn. Cred rhai ysgolheigion ar sail cyfeiriadau yn ei weithiau ei fod yn byw un ai ger yr Himalaya neu ger Ujjain.

Gweithiau llenyddol

Dramâu

• Mālavikāgnimitra ("Mālavikā ac Agnimitra"), yn adrodd stori'r brenin Agnimitra, sy'n syrthio mewn cariad a morwyn wedi ei halltudio o'r enw Mālavikā.
• Abhijñānaśākuntalam ("Adnabod Shakuntala"), yn adrodd stori'r brenin Dushyanta, sy'n cyfarfod Shakuntalā tra allan yn hela ac yn ei phriodi. Mae gŵr doeth yn rhoi melltith ar Shakuntala, sef y bydd Dushyanta yn ei hanghofio'n llwyr nes iddo weld y fodrwy a adawodd ef gyda hi. Cyll Shakuntala y fodrwy, ac nid yw Dushyanta yn ei hadnabod nes i bysgotwr gael hyd i'r fodrwy.
• Vikramōrvaśīya ("Ynghylch Vikrama ac Urvashi"), hanes y brenin Pururavas a'r dduwies Urvashi, sy'n sythio mewn cariad.

Barddoniaeth

Kālidāsa yw awdur dwy gerdd epig, y Raghuvamsa ("Brenhinllin Raghu") a Kumārasambhava ("Genedigaeth Kumāra"). Mae ei farddoniaeth delynegol yn cynnwys Meghadūta ("Negesydd y Cymylau") a Ṛtusamhāra ("Disgrifiad o'r Tymhorau").