Arweinydd crefyddol a llenor o Siapan a adnabyddir hefyd dan ei enw crefyddol Kōbō Daishi oedd Kūkai (774-835).

Kūkai
Kukai2.jpg
Ganwyd 佐伯眞魚 Edit this on Wikidata
774 Edit this on Wikidata
Tado District, Zentsū-ji, Kaigan-ji Edit this on Wikidata
Bu farw Kōyasan Edit this on Wikidata
Dinasyddiaeth Japan Edit this on Wikidata
Galwedigaeth geiriadurwr, ieithydd, bardd, caligraffydd, bhikkhu, athronydd Edit this on Wikidata
Adnabyddus am Bunkyō Hifuron, Tenrei Banshō Meigi, Q11404837, Sangō Shiiki, Fūshinjō, Q11613951, Q11491626 Edit this on Wikidata
Tad Saeki no Tagimi Edit this on Wikidata
Perthnasau Chisen, Shinzen, Enchin Edit this on Wikidata
Llinach Q11382874 Edit this on Wikidata

Yn bolymath o ysgolhaig athrylithgar, roedd un o brif ffigyrau bywyd ymenyddol y cyfnod Heian a'r Siapanwr cyntaf i ysgrifennu Tsieineeg lenyddol o safon uchel; ffrwyth ei daith i Tsieina (804-806). Ar ôl dychwelyd i Siapan cododd fynachlog ar fynydd Kōyasan, tua 50 milltir i'r de o Heian Kyo (Kyoto heddiw) ac yno yn 816 sefydlodd yr enwad Shingon ("Y Gair Cywir") sy'n cyfuno Bwdhiaeth gyfriniol ag elfennau o Shintō, crefydd genedlaethol Siapan, ynghyd â phwyslais pantheistaidd.

Yn ôl traddodiad Kūkai yw sefydlwr y wyddor sillafaidd Siapanaeg Kana, sail y Katakana a'r Hiragana a ddefnyddir heddiw. Ysgrifenodd Kūkai sawl traethawd crefyddol ac athronyddol, e.e. Sokushin-Jobutsu-Gi ("Egwyddor Cyrraedd Bwdha-iaeth yn y Corff Presennol"). Ei waith llenyddol pwysicaf yw'r Shōrai Mokuroku, sy'n gyfuniad o hunangofiant ysbrydol yr awdur a deialog athronyddol esoterig rhyngddo a'i brif ddisgybl Hui-kuo (764-805). Erys Kūkai yn ffigwr allweddol ym mywyd ysbrydol a diwyllianol Siapan heddiw.

Llyfryddiaeth ferGolygu

  • Yoshito S. Hakeda, Kukai and His Major Works (Columbia University Press, 1984).
  • Donald Keene (gol.), Anthology of Japanese Literature (Llundain, 1956), tt. 63-7.

Dolenni allanolGolygu