Léon Bonnat
Arlunydd o Ffrainc oedd Léon-Joseph-Florentin Bonnat (20 Mehefin 1833 – 8 Medi 1922) sydd yn nodedig am ei bortreadau ac am fod yn athro i nifer o arlunwyr enwog.
| Léon Bonnat | |
|---|---|
 Hunanbortread gan Léon Bonnat (1855) | |
| Ganwyd | Léon Joseph Florentin Bonnat  20 Mehefin 1833 Baiona |
| Bu farw | 8 Medi 1922 Monchy-Saint-Éloi |
| Dinasyddiaeth | Ffrainc |
| Alma mater |
|
| Galwedigaeth | arlunydd, gwneuthurwr printiau, casglwr celf |
| Cyflogwr |
|
| Adnabyddus am | Portrait of Isaac Dignus Fransen van de Putte (1822-1902). Colonial Minister (1863-66, 1872-74), Armand Fallieres, Interior of the Sixtine chapel |
| Arddull | portread (paentiad), peintio lluniau anifeiliaid, peintio genre, peintio hanesyddol, celf tirlun, noethlun, bywyd llonydd, portread |
| Mudiad | academic art |
| Gwobr/au | Prix de Rome, Urdd Teilyngdod am Wyddoniaeth a Chelf, Uwch Groes ar Orchymyn Sifil Alfonso XII, Uwch Groes y Lleng Anrhydedd |
Ganed ef yn Baiona yng ngogledd Gwlad y Basg, yng nghyfnod Brenhiniaeth y Gorffennaf. Astudiodd dan Federico Madrazo ym Madrid a Léon Cogniet ym Mharis. Gwelir dylanwad celf Faróc Sbaenaidd yn ei baentiadau crefyddol cynnar.[1]
Ym 1875 cychwynnodd ar ei gyfres o ryw 200 o bortreadau o Ewropeaid ac Americanwyr amlwg, yn eu plith Adolphe Thiers, Victor Hugo, Hippolyte Taine, Louis Pasteur, a Jean-Auguste-Dominique Ingres. Yn y rhain, gwelir dylanwad Diego Velázquez a'r arlunwyr realaidd Sbaenaidd.
Penodwyd Bonnat yn athro paentio yn yr École des Beaux-Arts, Paris, ym 1888, ac yn gyfarwyddwr yr ysgol honno ym 1905. Ymhlith ei ddisgyblion oedd Thomas Eakins, Gustave Caillebotte, ac Henri de Toulouse-Lautrec. Bu farw ym Monchy-Saint-Éloi, Oise, yn 89 oed.[1]
Cyfeiriadau
golygu- ↑ 1.0 1.1 (Saesneg) Léon Bonnat. Encyclopædia Britannica. Adalwyd ar 16 Hydref 2021.