Agor y brif ddewislen

Mae La Marsa (Arabeg: المرسى‎ al-Marsa) yn dref arfordirol yng ngogledd-ddwyrain Tiwnisia tua 20 km i'r gogledd-ddwyrain o'r brifddinas Tiwnis (36°52′60″Gog, 10°19′60″Dw). Mae ganddi boblogaeth o tua 65,742 (2006). Er iddi ddechrau ei dyddiau fel tref ar wahân fe'i hystyrir bellach yn rhan o Diwnis Fwyaf.

La Marsa
Corniche La Marsa Plage.jpg
Math municipality of Tunisia Edit this on Wikidata
Poblogaeth 92,987 Edit this on Wikidata
Daearyddiaeth
Sir Tiwnis Edit this on Wikidata
Gwlad Baner Tiwnisia Tiwnisia
Cyfesurynnau 36.8764°N 10.3253°E Edit this on Wikidata
Cod post 2070 Edit this on Wikidata
La Marsa

Mae La Marsa yn gorwedd ar ben gogleddol Rheilffordd y TGM, sy'n ei chysylltu â Thiwnis ei hun. Gyda'i chymdogion Sidi Bou Saïd ac ardal Carthago mae'n un o'r trefi mwya dethol a chyfoethog yn y wlad ac mae prisiau tai yn uchel. Mae ganddi dau draeth eang, tywodlyd, sy'n boblogaidd gan drigolion Tiwnis haf a gaeaf. Rhed y corniche (rhodfa'r môr) ar hyd y traeth gorllewinol.

Y tu draw i'r corniche ceir ardal dra-ddethol Gammarth gyda gwestai pum seren a filas cyffelyb. Yma roedd llywodraeth y Diwnisia gyn-drefedigaethol yn arfer symud yn yr haf, i osgoi gwres llethol y brifddinas. Mae llawer o'r adeiladu yn dyddio o'r cyfnod Ffrengig. Ceir sgwâr tawel gyda mosg yng nghanol y dref, ger yr orsaf TGM.

I'r gogledd-orllewin o La Marsa ceir llyn hallt Sebkha er-Riana. Mae Maes Awyr Tiwnis-Carthago yn gorwedd hanner ffordd rhwng La Marsa a'r brifddinas.

Golygfa banoramig ar lan môr La Marsa o gyfeiriad Gammarth, gyda bryn Sidi Bou Saïd yn y pen draw