Labordy
Ystafell neu adeilad er ymchwil gwyddonol neu gynhyrchu cemegion ydy labordy.[1] Gweithdy ydyw i gynnal arbrofion rheoledig neu i gymeryd mesuriadau gwyddonol mewn amgylchedd dan reolaeth. Ceir labordai mewn ysgolion, colegau, diwydiant a chyrff cyhoeddus a milwrol a hyd yn oed ar longau a rocedi. Gall y nifer sy'n gweithio mewn labordy amrywio o un person i uwch na 30. Wethiau defnyddir y gair yn llac am lefydd ymchwil tebyg, er enghraifft labordy ffilm neu labordy iaith.
![](http://upload.wikimedia.org/wikipedia/commons/thumb/5/5f/Lab_bench.jpg/220px-Lab_bench.jpg)
![](http://upload.wikimedia.org/wikipedia/commons/thumb/f/fa/Chemielabor_des_18._Jahrhunderts%2C_Naturhistorisches_Museum_Wien.jpg/220px-Chemielabor_des_18._Jahrhunderts%2C_Naturhistorisches_Museum_Wien.jpg)
Mae'r labordy cemegol yn cynnwys nifer o ddarnau offer arbennig, gan gynnwys amryw wydrau (tiwbiau profi, fflasgiau, biceri), cloriannau, a llosgydd Bunsen. Byddai'r rhai sydd yn y labordy yn gwisgo côt neu ffedog ac yn rhagofalu, er enghraifft drwy wisgo menig a sbectol diogelwch.
Cyflenwir labordai modern gyda dyfeisiau technolegol a chyfrifiadurol, megis sbectoffotomedrau, microsgopau polareiddiol,a microsgopau electronau.
Cyfeiriadau
golygu- ↑ labordy. Geiriadur Prifysgol Cymru. Adalwyd ar 13 Ebrill 2018.