Llinos werdd
| Llinos werdd | |
|---|---|
.jpg)
| |
| Dosbarthiad gwyddonol | |
| Teyrnas: | Animalia |
| Ffylwm: | Chordata |
| Dosbarth: | |
| Urdd: | Passeriformes |
| Teulu: | Fringillidae |
| Genws: | Carduelis |
| Rhywogaeth: | C. chloris |
| Enw deuenwol | |
| Chloris chloris (Linnaeus, 1758) | |
Mae'r Llinos werdd (Chloriuelis chloris) yn perthyn i'r teulu Fringillidae, llinosiaid. Mae'n aderyn cyffredin trwy'r rhan fwyaf o Ewrop, de-orllewin Asia a gogledd Affrica.
Nid yw'r llinos werdd yn aderyn mudol fel rheol, er bod adar sy'n nythu yn y gogledd yn symud tua'r de yn y gaeaf. Mae'n nythu ar ymylon coedwigoedd, mewn gwrychoedd ac weithiau mewn gerddi, gan ddodwy 3-8 wy. Tu allan i'r tymor nythu maent weithiau yn ymgasglu yn heidiau mawr, ambell dro yn gymysg a llinosiaid eraill. Hadau yw'r prif fwyd, ond mae'r cywion yn cael eu bwydo ar bryfed hefyd.
Mae'r llinos werdd yn 14–16 cm o hyd gyda plu gwyrdd yn bennaf, gyda melyn ar yr adenydd a'r gynffon; mae'r ceiliog yn fwy gwyrdd na'r iâr. Mae'r pig yn drwchus. Ambell dro mae'r aderyn yma'n cael ei gymysgu a'r Pila Gwyrdd sydd hefyd â melyn ar yr adenydd ond sydd ychydig yn llai ac yn llai gwyrdd.