Llyfrgell Llandudno

llyfrgell gyhoeddus

Llyfrgell gyhoeddus yw Llyfrgell Llandudno, a leolir yn Stryd Mostyn yn Llandudno, Sir Conwy. Mae'n un o brif lyfrgelloedd y sir ac mae'n denu tua 170,000 o ymwelwyr y flwyddyn.[1]

Llyfrgell Llandudno
Llandudno library, Mostyn Street - geograph.org.uk - 1719699.jpg
Mathllyfrgell gyhoeddus, adeilad llyfrgell Edit this on Wikidata
Sefydlwyd
  • 1910 Edit this on Wikidata
Daearyddiaeth
LleoliadLlandudno Edit this on Wikidata
SirLlandudno Edit this on Wikidata
Gwlady Deyrnas Unedig Edit this on Wikidata
Uwch y môr13.1 metr, 5 metr Edit this on Wikidata
Cyfesurynnau53.32367°N 3.829134°W Edit this on Wikidata
Cod postLL30 2RP Edit this on Wikidata
Rheolir ganCyngor Bwrdeistref Sirol Conwy Edit this on Wikidata
Arddull pensaernïolBaroque Revival architecture Edit this on Wikidata
Statws treftadaethadeilad rhestredig Gradd II Edit this on Wikidata
Manylion

HanesGolygu

Mae adeilad y llyfrgell yn dyddio o 1910, ond mae ar safle llyfrgell gynharach, y Llandudno Newsroom and Library, llyfrgell danysgrifol a sefydlwyd yn 1873 gan yr Arglwyddes Mostyn. Gosodwyd y garreg sylfaen ar 14 Hydref 1873 gan William Bulkeley Hughes AS. Un o'r tanysgrifwyr ac ymwelwyr rheolaidd oedd y gwleidydd John Bright, a arferai alw yno yn ddyddiol i ddarllen The Times.[2]

Daeth yr angen am gael llyfrgell gyhoeddus yn amlwg; nid pawb oedd yn gallu fforddio tanysgrifio i lyfrgell breifat. Trefnodd asiant Ystad Mostyn i'r ffilanthropydd llyfrgelloedd James Carnegie a'r bonheddwr lleol John Walker i ariannu cael adeilad newydd a fyddai'n gartref i lyfrgell gyhoeddus, dan ofal Cyngor y dref. Gwnaed hynny ac agorwyd y llyfrgell newydd yn 1910.[2]

Yn 1992 cafwyd estyniad i'r llyfrgell ond cadwyd y ffasâd Edwardaidd gyda'i fynedfa bilerog a llawer o'r tu mewn gwreiddiol hefyd (ac eithrio yng nghefn yr adeilad, lle ceir yr estyniad).[2]

CyfleusderauGolygu

Mae'r llyfrgell hon yn gartref i gasgliad o tua 38,000 o lyfrau (2013), CDau, a DVDs, a cheir yn ogystal 20 cyfrifiadur sy'n cynnig mynediad am ddim i'r we. Mae yno ystafelloedd cymunedol i'w llogi ar gyfer cyfarfodydd a hyfforddiant.[1]

CyfeiriadauGolygu

  1. 1.0 1.1 Llyfrgell Llandudno Archifwyd 2014-03-26 yn y Peiriant Wayback. ar wefan Cyngor Bwrdeistref Sirol Conwy
  2. 2.0 2.1 2.2 Ivor Wynne Jones, Llandudno, Queen of Welsh Resorts (2ail arg., Landmark, 2002). Tud. 81-82.

Dolenni allanolGolygu