Llyn Albert
Un o Lynnoedd Mawr Affrica yw Llyn Albert neu Albert Nyanza, ar un adeg Llyn Mobutu Sese Seko. Mae rhannau o’r llyn yng ngwledydd Wganda a Gweriniaeth Ddemocrataidd y Congo
_(NASA).jpg)
Gydag arwynebedd o 5,300 km², Llyn Albert yw'r seithfed llyn mwyaf o lynnoedd cyfandir Affrica. Mae tua 160 km o hyd a 30 km o led. Nid yw’n ddwfn iawn: tua 51 m yn y man dyfnaf. Llifa afon Nîl Wen drwy'r llyn. Enwyd y llyn gan y fforiwr Samuel Baker yn 1864, ar ôl y Tywysog Albert, gŵr y Frenhines Victoria.