Lowri ferch Gruffudd Fychan

Chwaer iau Owain Glyn Dŵr, Tywysog Cymru, oedd Lowri ferch Gruffudd Fychan (bl. tua diwedd y 1360au - tua'r 1430au?).

Lowri ferch Gruffudd Fychan
Ganwyd	1360s
Tad	Gruffudd Fychan II
Mam	Elen ferch Thomas ap Llywelyn ab Owain ap Maredudd
Priod	Robert Puleston
Plant	Angharad Puleston, Madog Puleston, of Cristionydd, Eleanor|Elen Puleston, Gruffudd Fychan ap Gruffudd ab Einion ap Gruffudd of Cors Gedol, John Puleston, of Emral, Annes Puleston, of Emral

Bywgraffiad

Roedd Lowri yn ferch i Gruffudd Fychan II, etifedd llinach Powys, ac Elen ferch Tomos ap Llywelyn. Gan fod Gruffudd wedi marw yn 1369 mae'n debyg y ganed Lowri rywbryd yn y 1360au. Priododd hi Robert Puleston, uchelwr Cymreig o dras Normanaidd ac un o brif gynghreiriaid Glyn Dŵr yn y Gwrthryfel. Priodas wleidyddol oedd hyn.

Plant

Cawsont fab o'r enw John Puleston; cofnodir profi ei ewyllys yn 1444. Priododd John Angharad, un o ferched Gruffudd Hanmer, o'r un teulu â gwraig Glyn Dŵr, Margaret Hanmer. Roedd Angharad yn wyres i Gronw ap Tudur, un o deulu Tuduriaid Môn. Roedd mab arall, Roger Puleston (m. 1469), yn gynghreiriad sicr i Siasbar Tudur, Iarll Penfro, a gadwodd Gastell Dinbych iddo yn 1460 a 1461 yn ystod Rhyfeloedd y Rhosynnau.

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.