Mesopotamia Petroleum Company
Cwmni petroliwm Prydeinig yw'r Mesopotamia Petroleum Company ('Cwmni Petroliwm Mesopotamia') neu MPC, a sefydlwyd yn 2005 gan Midmar Energy i chwilio am olew a'i gynhyrchu yn Irac. Midmar Energy yw perchen 32.67% o'r cwmni,[1] mewn partneriaeth â Ramco Energy (SeaEnergy plc heddiw).
Math | cwmni cyfyngedig |
|---|---|
| Sefydlwyd | 1 Rhagfyr 2005 |
| Pencadlys | Leeds |
Rhiant-gwmni | SeaEnergy plc |
Yn dilyn trafodaethau hir, arwyddwyd cytundeb rhwng MPC a'r Iraq Drilling Company, sy'n perthyn i lywodraeth Irac, i weithio ym meysydd olew Irac. Dyma'r tro cyntaf i gwmni o'r DU sefydlu menter ar y cyd gyda Gweinyddiaeth Olew Irac ers i lywodraeth Saddam Hussein gael ei dymchwel gan yr Unol Daleithiau a'u cynghreiriad yn 2003. Cyn hynny, roedd yr Iraq Oil Company, a sefydlwyd gan Brydain yn 1929, wedi gweithio am flynyddoedd yn Irac a rhannau eraill o'r Dwyrain Canol. Bwriedir drilio am olew er mwyn dyblu cynnyrch olew Irac erbyn y flwyddyn 2013. Cafodd y cytundeb ei groesawu gan David Miliband, Ysgrifennydd Tramor y DU fel arwydd o "ymrwymiad tymor hir i DU i Irac."[2]
Cyfeiriadau golygu
- ↑ "Midmar Energy confirms Iraq joint venture" Scandinavian Oil-Gas Magazine, 24.07.2008.
- ↑ "UK oil firm in Iraq deal" Archifwyd 2016-03-05 yn y Peiriant Wayback., The Independent, 27.02.2009.
Dolen allanol golygu
- (Saesneg) Gwefan swyddogol Archifwyd 2009-12-25 yn y Peiriant Wayback.
