Mwrog

Sant o Gymru oedd Mwrog (bl. 6g efallai). Ychydig iawn a wyddys amdano ac mae ei enw ei hun yn anghyffredin ac efallai o darddiad Gwyddeleg.

Mwrog
Eglwys Llanfwrog, Rhuthun
Dinasyddiaeth	Cymru
Galwedigaeth	arweinydd crefyddol
Dydd gŵyl	6 Ionawr, 15 Ionawr

Hanes a thraddodiad

Cysylltir y sant â dau le yng ngogledd Cymru, sef Llanfwrog, Ynys Môn a Llanfwrog, Sir Ddinbych. Yn y Llanfwrog yn Sir Ddinbych, sy'n gorwedd ger Rhuthun yn rhan uchaf Dyffryn Clwyd, mae'r eglwys yn gysegredig i Fwrog a'r Forwyn Fair. Mae'r llan o gwmpas yr eglwys o ffurf gron, sy'n awgrymu sefydliad cynnar. Gerllaw ceir Mynwent Mwrog, cae lle codwyd yr eglwys neu fyfyrgell wreiddiol, yn ôl traddodiad, ond does dim olion i'w gweld yno heddiw.

Gwyliau: 6 Ionawr (Llanfwrog, Ynys Môn), 15/16 Ionawr (Llanfwrog, Sir Ddinbych).