Mynydd Carnguwch

Bryn yn Llŷn, Gwynedd yw Mynydd Carnguwch (359 m). Saif tua milltir a hanner i'r de o gopaon Yr Eifl, tua hanner ffordd rhwng Llithfaen a Llanaelhaearn; cyfeiriad grid SH374429. Uchder cymharol, neu ”amlygrwydd” y copa, ydy 255metr: dyma'r uchder mae'r copa'n codi uwchlaw'r mynydd agosaf.

Mynydd Carnguwch

Math	copa, bryn
Daearyddiaeth
Sir	Gwynedd
Gwlad	Cymru
Uwch y môr	357.6 metr
Cyfesurynnau	52.95898°N 4.42126°W
Cod OS	SH3746442924
Manylion
Amlygrwydd	102 metr
Rhiant gopa	Yr Eifl

Ceir carnedd anferth ar gopa'r bryn sy'n mesur tua 30 m ar draws ac sy'n 6 m o uchder. Mae'n bosibl bod y garnedd hon yn dyddio o Oes yr Efydd.

Gorwedd Mynydd Carnguwch ym mhlwyf Carnguwch, ac ymddengys fod y ddau le fel ei gilydd wedi eu henwi ar ôl y garnedd ar ben y bryn.

Y copa

Dosberthir copaon Cymru, a gweddill gwledydd Prydain, yn rhestri arbennig yn ôl uchder ac yn ôl amlygrwydd y copa; mae'r copa hwn yn cael ei alw'n HuMP. Mae sawl cymdeithas yn mesur, gwiro a chasglu'r rhestri hyn a dônt ynghŷd ar wefan “Database of British and Irish hills”. Uchder y copa o lefel y môr ydy 359m (1178tr). Cafodd yr uchder ei fesur a'i gadarnhau ddiwethaf ar 8 Mehefin 2009.

Gweler hefyd

• Rhestri copaon a sut y cânt eu dosbarthu
• Rhestr o Gopaon Cymru
• Rhestr Mynyddoedd yr Alban dros 2,000'

Dolennau allanol

• Clwb Mynydda Cymru
• Lleoliad ar wefan Streetmap Archifwyd 2011-05-24 yn y Peiriant Wayback
• Lleoliad ar wefan Get-a-map Archifwyd 2011-05-24 yn y Peiriant Wayback