Agor y brif ddewislen

Aelod Seneddol dros Bontypridd yw Owen Smith (ganwyd 2 Mai 1970)[1] a hynny ers Etholiad cyffredinol y Deyrnas Unedig, 2010, pan etifeddodd sedd Kim Howells (Llafur) a benderfynodd roi'r gorau iddi fel AS.[2] Cyn hynny bu'n gynhyrchydd radio gyda'r BBC.

Owen Smith
AS
Official portrait of Owen Smith crop 3.jpg
Ysgrifennydd Gwladol Gogledd Iwerddon yr wrthblaid
Yn ei swydd
14 Mehefin 2017 – 23 Mawrth 2018
Arweinydd Jeremy Corbyn
Rhagflaenwyd gan David Anderson
Dilynwyd gan Tony Lloyd
Ysgrifennydd Gwladol Cysgodol dros Waith a Phensiynau
Yn ei swydd
13 Medi 2015 – 27 Mehefin 2016
Arweinydd Jeremy Corbyn
Rhagflaenwyd gan Stephen Timms (dros dro)
Dilynwyd gan Debbie Abrahams
Ysgrifennydd Gwladol Cymru yr wrthblaid
Yn ei swydd
15 Mai 2012 – 13 Medi 2015
Arweinydd Ed Miliband
Rhagflaenwyd gan Peter Hain
Dilynwyd gan Nia Griffith
Gweinidog Cymru yr wrthblaid
Yn ei swydd
25 Medi 2010 – 15 Mai 2012
Arweinydd Ed Miliband
Rhagflaenwyd gan Wayne David
Dilynwyd gan Nia Griffith
AS
dros Pontypridd
Deiliad
Cychwyn y swydd
6 Mai 2010
Rhagflaenwyd gan Kim Howells
Mwyafrif 8,585 (22.5%)
Manylion personol
Ganwyd (1970-05-02) 2 Mai 1970 (49 oed)
Morecambe, Lloegr
Plaid wleidyddol Llafur
Priod Liz Smith
Alma mater Prifysgol Sussex

Fe'i ganwyd yn Morecambe, Lloegr. Mae e'n fab i'r hanesydd Cymreig David "Dai" Smith, cyd-gadeirydd Cyngor Celfyddydau Cymru.[3]

Ymunodd gyda'r Blaid Lafur pan oedd yn 16 oed. Astudiodd hanes a Ffrangeg ym Mhrifysgol Essex cyn troi at y BBC i weithio fel cynhyrchydd radio lle gweithiodd am gyfnod o ddeg mlynedd ar raglenni o Lundain a Chaerdydd.[4]

Gyrfa wleidyddolGolygu

Yn 2002 trodd at wleidyddiaeth gan weithio fel cynghorydd i Paul Murphy, a oedd yn Ysgrifennydd Gwladol Cymru a dilynodd ef yn ei waith i Ogledd Iwerddon.

Yn 2006 ymgyrchodd yn aflwyddiannus am sedd ym Mlaenau Gwent (mewn Is-etholiad), a enillwyd gan yr annibynwr Dai Davies. Llwyddodd i gipio Pontypridd yn 2010 a daeth yn aelod o Bwyllgor Materion Cymreig y Llywodraeth.

Herio arweinyddiaeth Llafur, 2016Golygu

Ymddiswyddodd o gabinet cysgodol Jeremy Corbyn ar 27 Mehefin 2016 ynghyd a nifer o gyd-aelodau y Blaid Lafur oherwydd "eu diffyg hyder" yn yr arweinydd.[5] Honnodd Smith fod Corbyn yn barod i weld y blaid yn rhannu, gan ysgrifennu ar Twitter: "On July [sic] 27 I asked @jeremycorbyn 3 times if he was prepared to see our party split & worse, wanted it to. He offered no answer. In the same meeting, in response to the same question @johnmcdonnellMP shrugged his shoulders and said 'if that's what it takes'."[6]

Yng Nghorffennaf 2016 datganodd Smith ei fwriad i sefyll fel ymgeisydd ar gyfer arweinyddiaeth y Blaid Lafur yn erbyn Jeremy Corbyn, yn dilyn cyhoeddiad Angela Eagle ei bod am sefyll. Dywedodd ei fod yn cefnogi nifer o bolisiau Corbyn ond nad oedd Corbyn yn "arweinydd gall ein arwain i etholiad ac ennill dros Lafur".[7]

CyfeiriadauGolygu