Agor y brif ddewislen

Gwleidydd Seisnig ac arweinydd y Blaid Lafur yw Jeremy Bernard Corbyn (ganwyd 26 Mai 1949).[2] Mae ef ar ochr chwith y blaid, ac mae wedi pleidleisio yn erbyn chwipiau'r blaid yn rheolaidd dros y blynyddoedd, gan gynnwys 238 gwaith yn ystod cyfnod seneddol 2005-2010, sef tua 25% o holl bleidleisiau yn y cyfnod hwnnw.

Jeremy Corbyn
AS
Official portrait of Jeremy Corbyn crop 2.jpg
Arweinydd yr Wrthblaid
Yn ei swydd
Dechrau
12 Medi 2015
Teyrn Elizabeth II
Prif Weinidog David Cameron
Theresa May
Rhagflaenydd Harriet Harman
Arweinydd y Blaid Lafur
Yn ei swydd
Dechrau
12 Medi 2015
Dirprwy Tom Watson
Rhagflaenydd Ed Miliband
Aelod Seneddol
dros Gogledd Islington
Yn ei swydd
Dechrau
9 Mehefin 1983
Rhagflaenydd Michael O'Halloran
Mwyafrif 33,215 (60.5%)
Manylion personol
Ganwyd Jeremy Bernard Corbyn
(1949-05-26) 26 Mai 1949 (70 oed)[1]
Chippenham, Wiltshire, Lloegr
Cenedligrwydd Prydeiniwr
Plaid wleidyddol Llafur
Gŵr neu wraig Jane Chapman (pr. 1974; ysgarwyd 1979)
Claudia Bracchitta (pr. 1987; ysg. 1999)
Laura Alvarez (pr. 2015)
Perthnasau Piers Corbyn (brawd)
Plant 3
Gwefan Gwefan swyddogol

Mae ef yn Aelod Seneddol Llafur dros etholaeth Gogledd Islington ym Llundain ers 9 Mehefin 1983[3] ac mae wedi ei ail-ethol ym mhob Etholiad Cyffrediol ers hynny. Ar 12 Medi 2015 cafodd ei ethol yn arweinydd y Blaid Lafur sef yr wrthblaid.[4] Mae hefyd yn aelod o'r Grŵp Sosialaidd (y Socialist Campaign Group), yr Ymgyrch dros Balesteina (Palestinian Solidarity Campaign), Amnest Rhyngwladol, yr Ymgyrch dros Ddiarfogi Niwclear ac ef yw Cadeirydd cenedlaethol Stop the War Coalition.

Fe'i ganed yn Chippenham, Wiltshire, Lloegr a bu'n fyfyriwr yn North London Polytechnic. Ar ôl gadael, cychwynodd weithio i Undeb Cenedlaethol y Gweithwyr Cyhoeddus ac yna'r National Union of Tailors and Garment Workers. Ond yn 1974 y dechreuodd ei yrfa wleidyddol, pan gafodd ei ethol yn gynghorydd ar Gyngor Bwrdeisdrefol Haringey, Llundain. Yn Etholiad cyffredinol 1983 fe'i etholwyd yn Aelod Seneddol dros Ogledd Islington ac mae wedi dal ei afael yn y sedd ers hynny.

Galwa'i hun yn 'Sosialydd Democrataidd' ac mae'n cytuno gydag ailgenedlaetholi gwasanaethau cyhoeddus a rheilffyrdd ac ailagor rhai pyllau glo. Mae'n credu hefyd y dylid bod yn fwy llawdrwm ar dwyllwyr treth yn hytrach na dilyn polisi 'toriadau llymder', fel roedd ei blaid ei hun yn ei argymell cyn ei benodi'n Arweinydd. Roedd llawer o'i syniadau'n perthyn yn nes at bolisiau'r SNP nag i'r Blaid Lafur. Lleisiodd ei farn droeon yn erbyn ffioedd myfyrwyr, gan droi'r cloc yn ôl ac ailgyflwyno'r system grantiau. Fel Tony Benn o'i flaen, bu hefyd yn dadlau dros y blynyddoed dros ddiarfogi niclear a lliniaru meintiol er mwyn ariannu prosiectau amgylcheddol adnewyddol.

Ennillodd y Wobr Heddwch Rhyngwladol Gandhi yn 2013.[5]

CyfeiriadauGolygu

  1. Times Election Guide 2001 2005 2010
  2. Wefan Jeremy Corbyn
  3. www.parliament.uk
  4. "Jeremy Corbyn MP". UK Parliament. Cyrchwyd 21 Gorffennaf 2015.
  5. "The Gandhi Foundation International Peace Award 2013". gandhifoundation.org. The Gandhi Foundation. 9 January 2014. Cyrchwyd 8 Mehefin 2017.

Dolenni AllanolGolygu

Senedd y Deyrnas Unedig
Rhagflaenydd:
Michael O'Halloran
Aelod Seneddol dros Ogledd Islington (etholaeth seneddol)
1983 – presennol
Olynydd:
presennol
Swyddi gwleidyddol
Rhagflaenydd:
Ed Miliband
Arweinydd y Blaid Lafur
2015 – presennol
Olynydd:
presennol
   Eginyn erthygl sydd uchod am Sais neu Saesnes. Gallwch helpu Wicipedia drwy ychwanegu ato.