Pervez Musharraf
Gwleidydd a chadfridog Pacistanaidd oedd Pervez Musharraf (Urdu: پرويز مشرف) (11 Awst 1943 – 5 Chwefror 2023)[1] a wasanaethodd yn Arlywydd Pacistan o 2001 i 2008, a Phennaeth Staff Byddin Pacistan o 1998 i 2007. Daeth i rym yn 1999 trwy drefnu a gweithredu coup d'état milwrol ac mae wedi rhoi heibio cyfansoddiad Pacistan ddwywaith; ers hynny, mae wedi cael ei gefnogi'n ymarferol (trwy gymorth milwrol ac ariannol) gan wledydd y Gorllewin gan gynnwys yr Unol Daleithiau. Cipiodd Musharraf rym ar 12 Hydref, 1999, gan droi allan Nawaz Sharif, Prif Weinidog etholedig y wlad, cafodd wared ar y cyrff deddfwriaethol cenedlaethol a thaleithiol, cymerodd iddo'i hun y teitl o Brif Weithredwr a daeth felly'n arweinydd de facto llywodraeth Pacistan, y pedwerydd pennaeth milwrol yn hanes y wlad i wneud hynny. Yn ddiweddarach, yn 2001, apwyntiodd Musharraf ei hun i swydd Arlywydd Pacistan.
| Pervez Musharraf | |
|---|---|
.jpg) | |
| Ganwyd | 11 Awst 1943  Delhi |
| Bu farw | 5 Chwefror 2023 o amyloidosis American Hospital Dubai |
| Man preswyl | Delhi, Karachi, Ankara |
| Dinasyddiaeth | y Raj Prydeinig, Pacistan |
| Alma mater |
|
| Galwedigaeth | gwleidydd, ariannwr, person milwrol |
| Swydd | Arlywydd Pacistan, Prif Weinidog Pacistan, Federal Minister for Defence (Pakistan), Chief of Army Staff, Chairman Joint Chiefs of Staff Committee |
| Cyflogwr |
|
| Plaid Wleidyddol | Pakistan Muslim League, All-Pakistan Muslim League |
| Priod | Sehba Musharraf |
| Gwobr/au | Sitara-i-Imtiaz, Order of Zayed, Grand Cross of the Order of Excellence, Tamgha-i-Basalat, Imtiazi Sanad, Urdd Abdulaziz al Saud, Nishan-e-Pakistan |
| Gwefan | http://www.generalpervezmusharraf.com |
Ar 3 Tachwedd, 2007, ddyddiau yn unig cyn i Brif Lys Pacistan benderfynu ei barn ar ddeiseb a heriodd ddilysrwydd cyfansoddiadol ei ail-ethol yn arlywydd yn etholaethau dadleuol Hydref 2007, rhoddodd Musharraf heibio'r cyfansoddiad eto, arestiodd sawl barnwr a chyfreithiwr o'r Prif Lys, yn cynnwys y Prif Farnwr Iftikhar Muhammad Chaudhry, gorchmynodd arestio gwrthwynebwyr gwleidyddol ac ymgyrchwyr dros hawliau dynol, a chaeodd bob sianel teledu preifat. Cyhoeddodd stâd o argyfwng yn y wlad. Ymddiswyddodd Musharraf fel arlywydd ar 18 Awst 2008.
Cyfeiriadau
golygu- ↑ "Pervez Musharraf, former Pakistani president and army general, dies at 79". Hindustan Times (yn Saesneg). 5 Chwefror 2023. Archifwyd o'r gwreiddiol ar 5 Chwefror 2023. Cyrchwyd 5 Chwefror 2023.