Pigyn Clust
Band gwerin Cymraeg o ardal Caernarfon
Band gwerin o ardal Caernarfon oedd Pigyn Clust a arbenigai mewn chwarae cerddoriaeth o naws Geltaidd. Cyhoeddodd y grŵp nifer o recordiau, yn cynnwys Otitis Media, Perllan ac Enaid . Yr aelodau oedd Ffion Haf, y lleisydd, o Lanwnda, chwaer yr awdures Angharad Tomos; Cass Meurig, ffidl a chrwth; Idris Morris Jones, yntau hefyd yn byw yn Llanwnda, ffidl; Endaf ap Ieuan, gitâr a bwswci; a Wyn Williams, gitâr a mandola.[1] Bu'r band yn perfformio o 1998 hyd 2007, ond daeth y grŵp i ben yn dilyn marwolaeth annhymig Ffion Haf yn fuan wedyn.
| Enghraifft o'r canlynol | band  |
|---|---|
| Daeth i ben | 2007 |
| Iaith | Cymraeg |
| Dechrau/Sefydlu | 1998 |
| Genre | Canu gwerin |
Ymysg eu caneuon mwyaf poblogaidd oedd Cân Merthyr, cân macaronig Cymraeg a Saesneg.[2]
Cyfeiriadau
golygu- ↑ Gwefan Creighton's Collection, {https://www.creighton-griffiths.co.uk/acatalog/pigynclust.html}[dolen farw], cyrchwyd 6.1.2022
- ↑ "Pigyn Clust". Last.FM. Cyrchwyd 14 Chwefror 2024.