Porsche

Cwmni gweithgynhyrchu ceir Almaenig ydy Dr. Ing. h.c. F. Porsche AG, a dalfyrir fel arfer yn Porsche AG (ynganiad Almaeneg: [ˈpɔʁʃə] (gwrando)), sy'n gwerthu ceir moethus a chyflym. Yn Stuttgart y lleolwyd pencadlys y cwmni, a'i berchennog yw Volkswagen AG - a phrif berchennog Volkswagen AG yw Porsche Automobil Holding SE. Ymhlith y ceir cyfredol mwyaf nodedig mae: 718 Boxster/Cayman, 911, Panamera, Macan a'r Cayenne.

Porsche AG

Math	cynhyrchydd cerbydau
Math o fusnes	Aktiengesellschaft
Aelod o'r canlynol	Fédération Internationale de l'Automobile
ISIN	DE000PAG9113
Diwydiant	diwydiant ceir
Sefydlwyd	1931
Sefydlydd	Ferdinand Porsche, Adolf Rosenberger
Aelod o'r canlynol	Fédération Internationale de l'Automobile, Cymdeithas Fraunhofer
Pencadlys	Stuttgart
Pobl allweddol	Peter Schutz (Prif Weithredwr)
Cynnyrch	car
Refeniw	33,138,000,000 Ewro (2021)
Incwm gweithredol	5,314,000,000 Ewro (2021)
Cyfanswm yr asedau	51,382,000,000 Ewro (31 Rhagfyr 2021)
Perchnogion	Volkswagen AG (1)
Nifer a gyflogir	36,996 (2021)
Rhiant-gwmni	MDAX, DAX Volkswagen AG
Lle ffurfio	Stuttgart
Gwefan	https://www.porsche.de/, https://www.porsche.co.il/, https://www.porsche.com, https://www.porsche.com/germany/, https://www.porsche.com/france/, https://www.porsche.com/swiss/de/, https://www.porsche.com/swiss/fr/, https://www.porsche.com/swiss/it/, https://www.porsche.com/italy/, https://www.porsche.com/luxembourg/fr/, https://www.porsche.com/usa/, https://www.porsche.com/japan/jp/

Gofal: Erthygl ar wnaethurwr ceir, a brand ceir Porsche AG yw hon. Ceir hefyd Porsche Automobil Holding SE, sef prif ddaliwr cyfranddaliadau Volkswagen AG.

Hanes

Prif: Volkswagen AG

Sefydlwyd y cwmni gwreiddiol gan Ferdinand Porsche dan yr enw "Dr. Ing. h. c. F. Porsche GmbH" (Gesellschaft mit beschränkter Haftung) yn 1931, gyda'i brif swyddfa yn Kronenstraße 24 yng nghanol Stuttgart. Ymgynghorwyr ceir oeddent i ddechrau, ac nid oedden nhw'n cynhyrchu ceir. Ond yna crewyd 'car y bobl', neu'r "Volkswagen" a ddaeth i'w adnabod yn ddiweddarach fel 'y chwilen'.

Logo'r cwmni

Sylfaenwyd logo'r cwmni ar arfbais talaith rydd Württemberg, a oedd yr adeg honno'n rhan o'r Almaen, gyda Stuttgart yn Brifddinas. Unwyd y rhain gydag arfbais Stuttgart ei hun er mwyn i'r testun sillafu "Porsche" a "Stuttgart"; oherwydd ei fod yn cynnwys testun, ni ellir, felly ei ddiffinio fel 'arfbais'.

• 
  Logo Porsche
• 
  Gwladwriaeth y Weimar: arfbais Württemberg
• 
  Arfbais Stuttgart

Datblygu'n siâp gwahanol

Ar ddiwedd yr Ail Ryfel Byd, esblygodd y math 356 o'r 'Chwilen': crewyd injan arbennig, y trawsyrrwr a'r croglin (suspension) a chyn hir roedd y rhan fwyaf o'r darnau wedi'u gwneud yn arbennig ar gyfer ceir a ddaethpwyd i'w hadnabod fel ceir Porsche. Dyluniwyd y corff main ei olwg gan Erwin Komenda, a oedd cyn hynny wedi dylunio corff 'y Chwilen'. Un o'r pethau sydd wedi goroesi ers y cyfnod hwn, yw'r injan cefn a oerir gan aer.

Yn 1964, wedi ychydig o lwyddiant yn y byd rasio, gyda modelau fel y 550 Spyder, a'r 356 teimlwyd ei bod yn bryd ail-gynllunio ar raddfa fawr a lansiwyd y 911. Unwaith eto cafwyd injan cefn a oerir gan aer, 6-silindr o fath "boxer". Arweiniwyd y gwaith hwn gan fab hynaf Ferry Porsche sef Ferdinand Alexander Porsche (F. A.).