Rania Llewellyn
Mae Rania Llewellyn (ganwyd c.1970) yn gweithio yn y byd bancio. Daw o Ganada ond fe'i ganed yng Nghoweit. Cafodd ei haddysg hi ym Mhrifysgol y Santes Fair a Phrifysgol America yn Cairo a gweithiodd am 26 mlynedd gyda Scotiabank cyn iddi gael ei phenodi gan Laurentian Bank ym mis Hydref 2020.[1]
| Rania Llewellyn | |
|---|---|
| Galwedigaeth | gweithredwr mewn busnes, banciwr  |
Ar ôl mynychu SMU, aeth Llewellyn ymlaen i weithio mewn banc yn Iwerddon.
Bywyd cynnar ac addysg
golyguGaned Llewellyn yng Nghoweit, ac roedd ei thad yn dod o'r Aifft a'i mam o Wlad Iorddonen. Fe’i magwyd yng Nghoweit a’r Aifft ond ymfudodd i Ganada yn 1992 ar ôl Rhyfel y Gwlff.[2]
Cyn symud i Ganada, bu'n astudio am ddwy flynedd ym Mhrifysgol America yn Cairo (1990-1992).[2] Wedi hynny, mynychodd Brifysgol y Santes Fair yn Halifax, Nova Scotia, o 1992 i 1996, gan ennill gradd Baglor Masnach mewn Cyllid ac MBA mewn Marchnata a Busnes Rhyngwladol.[3][4] Yn 2014 dyfarnwyd iddi Ddoethuriaeth Masnach er Anrhydedd o Brifysgol y Santes Fair.[5]
Bu Llewellyn yn gweithio am 26 mlynedd yn Scotiabank, gan ddechrau fel rhifwr rhan-amser.[2]
Ymgymrodd â nifer o rolau blaengar gyda Scotiabank gan gynnwys: Is-lywydd, Bancio Amlddiwylliannol; Llywydd a Phrif Swyddog Gweithredol Roynat Capital; Uwch Is-lywydd, Bancio Masnachol, Strategaeth Twf; Uwch Is-lywydd, Cynnyrch a Gwasanaethau, Bancio Trafodion Byd-eang gan gyrraedd Is-lywydd Gweithredol, Taliadau Busnes Byd-eang.[6] Yn 2019 dyfarnwyd iddi Wobr Women in Payments ar gyfer Arweinydd Meddwl gan y Women in Payments Association am ei gwaith rhagorol yn moderneiddio diwydiant taliadau Canada.[7]
Yn ystod ei chyfnod gyda Scotiabank, bu'n hyrwyddo creu The Toronto Region Immigrant Employment Council (TRIEC) i geisio mynd i'r afael â phroblem tangyflogi mewnfudwyr.[2]
Ym mis Hydref 2020, cyhoeddodd Laurentian Bank y byddai'n disodli'r Prif Swyddog Gweithredol dros dro Stephane Therrien a oedd wedi ymgrymryd â rôl llywydd a phrif weithredwr ers i Francois Desjardins ymddeol ym mis Mehefin 2020.[8]
Ar 2 Hydref 2023, ar ôl trafferthion gyda'r prif gyfrifiadur a barodd am wythnos ac a effeithiodd ar weithrediadau cwsmeriaid, cyhoeddodd Laurentian Bank ei bod yn ymddiswyddo ar unwaith. Ei holynydd yw Éric Provost.[9]
Bywyd personol
golyguMae ganddi ddau o blant gyda'i gŵr, Sean Llewellyn.[4]
Cyfeiriadau
golygu- ↑ "Most actively traded companies on the Toronto Stock Exchange". Pique Newsmagazine (yn Saesneg). Cyrchwyd 2021-01-18.
- ↑ 2.0 2.1 2.2 2.3 White, Shelley. "A Fresh Start: How Rania Llewellyn is helping Canadian immigrants kick-start their career – Women of Influence" (yn Saesneg). Archifwyd o'r gwreiddiol ar October 26, 2020.
- ↑ "Laurentian Bank's Rania Llewellyn has a message for all the doubters – Underestimate me. That'll be fun". Cyrchwyd 2021-05-15.
- ↑ 4.0 4.1 "Rania Llewellyn Age, Wiki, Husband, Laurentian Bank CEO, Salary, Net Worth, Biography, Children, Family, Religion". Primal Information (yn Saesneg). 2021-01-03. Cyrchwyd 2021-01-18.
- ↑ "Saint Mary's University | Honorary Degrees". smu.ca. Archifwyd o'r gwreiddiol ar April 4, 2019. Cyrchwyd October 21, 2020.
- ↑ "Laurentian Bank appoints Rania Llewellyn as CEO Becomes first woman to lead a major Canadian bank". Financial Post (yn Saesneg). Archifwyd o'r gwreiddiol ar October 26, 2020. Cyrchwyd October 21, 2020.
- ↑ Payments, Women in. "Women in Payments Announces 2019 Award Winners". www.newswire.ca (yn Saesneg). Cyrchwyd 2021-05-14.
- ↑ "Press Room". Laurentian Bank Financial Group (yn Saesneg). Archifwyd o'r gwreiddiol ar October 22, 2020. Cyrchwyd October 21, 2020.
- ↑ Laurentian CEO Llewellyn Departs as Provost Takes Helm