Rhif 55, Stryt yr Hôb, Wrecsam

Adeilad hanesyddol rhestredig gradd II yng nghanol Wrecsam, gogledd-ddwyrain Cymru, yw Rhif 55, Stryt yr Hôb (hen adeilad y National Westminster Bank).

Lleoliad

Mae Rhif 55 yn sefyll ar ochr ddwyreiniol Stryt yr Hôb (Saesneg: Hope Street) yng nghalon fasnachol Wrecsam, ar gornel Stryt y Banc, rhwng dau adeilad eiconig arall, sef tafarndy'r Talbot a'r Arcêd Ganolog.

Hanes

Codwyd yr adeilad yn 1876 i gynllun gan y pensaer John Gibson, ar gyfer y National Provincial Bank (roedd y safle wedi cael ei defnyddio gan y banc ers 1849). Yn 1968, unodd y National Provincial Bank â Westminster Bank, gan greu'r National Westminster Bank. Mae Rhif 55 Stryt yr Hôb yn cael ei ddefnyddio bellach gan fanc y Halifax.

Disgrifiad

Mae'r National Westminster Bank yn adeilad dwy lawr yn yr arddull Eidalaidd. Mae gan yr adeilad ffasâd o feini nadd a mynedfa drawiadol gyda cholofnau Toscanaidd.

• 
  Stryt yr Hôb, ochr ddwyreiniol. Mae Rhif 55 yn sefyll ar gornel Stryt y Banc.
• 
  Rhif 55, Stryt yr Hôb