Rhodes

Mae "Ynys Rhodos" yn ailgyfeirio i'r erthygl hon. Am y dalaith Americanaidd, gweler Rhode Island.

Llun lloeren o ynys Rhodes (Landsat 7)

Mae Rhodes (Groeg diweddar Ródhos) neu yn Gymraeg Rhodos yn un o ynysoedd Gwlad Groeg yn ne'r Môr Aegea, yr ynys fwyaf yn ynysoedd y Dodecanese.

Ei phrifddinas yw tref Rhodes.

Hanes

Yn yr Hen Fyd roedd yr ynys yn enwog am ei Cholosws, un o Saith Rhyfeddod yr Hen Fyd. Bu Poseidonius yn byw yma am ran sylweddol o'i oes, ac yn cynnal ysgol athroniaeth.

Am gyfnod yn yr Oesoedd Canol roedd Rhodes yn gartref i urdd Marchogion yr Ysbyty.

Ymwelodd y marchog crwydr Jörg von Ehingen â'r ynys ar ddiwedd y 15g.

Economi

Mae amaeth yn bwysig ar yr ynys ond twristiaeth yw'r prif ddiwydiant erbyn heddiw.