Robert Shields
Robert Shields VC (1827 - 23 Rhagfyr 1864) oedd y Cymro cyntaf i ennill medal Croes Fictoria, y wobr uchaf a mwyaf mawreddog am ddewrder yn wyneb y gelyn y gellir ei ddyfarnu i aelodau o luoedd arfog Prydain a'r Gymanwlad.
| Robert Shields | |
|---|---|
_(cropped).jpg) | |
| Ganwyd | 1827  Caerdydd |
| Bu farw | 23 Rhagfyr 1864 Mumbai |
| Dinasyddiaeth |  Cymru |
| Alma mater |
|
| Galwedigaeth | person milwrol |
| Gwobr/au | Croes Fictoria |
Ganwyd Shields yn Nhafarn yr Hope & Anchor, Heol y Santes Fair Caerdydd, yn fab i John Sheilds ac Anne ei wraig. Ni wyddys union ddiwrnod ei enedigaeth ond fei bedyddiwyd yn Eglwys St Ioan a St Mair Caerdydd ar 26 Awst 1827.
Roedd Shields yn Gorporal 29 oed yn y 23rd Regiment of Foot (rhagflaenydd y Ffiwsilwyr Brenhinol Cymreig) yn ystod Rhyfel y Crimea pan ddigwyddodd y weithred a arweiniodd at ddyfarnu Croes Fictoria iddo. Ar 8fed Medi 1855 yn Sebastopol gwirfoddolodd Corporal Shields i fynd allan gyda'r Llawfeddyg Cynorthwyol William Henry Thomas Sylvester i ran agored a pheryglus o'r ffrynt i geisio achub swyddog a glwyfwyd, yn anffodus pan ddaethpwyd o hyd i'r swyddog canfuwyd ei fod yn farw. Cafodd y Llawfeddyg Sylvester ei anrhydeddu efo'r VC hefyd.[1]
Wedi ei wasanaeth yn y Crimea aeth Sheilds ymlaen i wasanaethu fel milwr yn yr India, lle bu farw yn 39 oed o sgil effeithiau gor-yfed. Fe'i claddwyd ym mynwent Eglwys Gadeiriol St Thomas, Bombay (Mumbai bellach).
Cyfeiriadau
golygu- ↑ Memorials to Valour Robert Shields VC adalwyd Tach 17 2014
Dolenni allanol
golygu- BBC Your Paintings Archifwyd 2014-11-18 yn archive.today llun olew ar ganfas Corporal Robert Shields Winning His VC at Sebastopol, 1855 gan Louis William Desanges.