Tatariaid Lipka

Grŵp ethnig Tyrcig yn Nwyrain Ewrop yw Tatariaid Lipka sydd yn byw yn bennaf ym Melarws, Lithwania, a Gwlad Pwyl. Maent yn disgyn o lu bach o'r Nogai a gynorthwyodd Vytautas, Uchel Ddug Lithwania, yn ei frwydr yn erbyn y Marchogion Tiwtonaidd. Yn sgil eu buddugoliaeth ym Mrwydr Grunwald (1410), fe'u gwahoddwyd i ymsefydlu yn Uchel Ddugiaeth Lithwania. Byddai'r dynion yn priodi â merched lleol, a dros amser defnyddiwyd yr ieithoedd Lithwaneg, Pwyleg, a Belarwseg ganddynt, ond maent o hyd yn Fwslimiaid.

Baner Tatariaid Lipka, yn seiliedig ar faner y Llu Euraid.