Tenis
Gêm a chwaraeir rhwng dau chwaraewr (senglau) neu rhwng dau dîm o ddau chwaraewr (parau) yw tenis. Mae chwaraewyr yn defnyddio raced dant i daro pêl rwber wag wedi'i gorchuddio â ffelt dros rwyd i mewn i gwrt y gwrthwynebwr.
 | |
| Enghraifft o'r canlynol | math o chwaraeon, difyrwaith  |
|---|---|
| Math | chwaraeon peli, chwaraeon raced, chwaraeon olympaidd |
| Gwlad | Lloegr |
| Dechrau/Sefydlu | 1 Awst 1882 |
 Ffeiliau perthnasol ar Gomin Wicimedia | |
Datblygodd y gêm yn Ewrop yn hwyr y 19g a lledodd yn gyntaf ar draws y byd Saesneg, yn enwedig rhwng y dosbarthau uwch. Mae tenis nawr yn fabolgamp Olympaidd ac yn cael ei chwarae ar bob lefel o gymdeithas, gan bobl o bob oedran, mewn nifer o wledydd y byd. Ac eithrio mabwysiad torri'r ddadl yn y 1970au, mae'r rheolau heb newid ers y 1890au. Yn ogystal â'i filiynau o chwaraewyr, mae miliynau o bobl yn dilyn tenis fel mabolgamp gyfundrefnol, yn enwedig pedwar twrnamaint y Gamp Lawn: Pencampwriaeth Agored Awstralia, Pencampwriaeth Agored Ffrainc, Wimbledon, a Phencampwriaeth Agored yr Unol Daleithiau.
Cyn 1986 doedd peli tenis yn Wimbledon ddim yn felyn.
