Terfysgoedd Nos White

Cyfres o ddigwyddiadau treisgar a ddechreuwyd oherwydd dedfryd byr Dan White am fradlofruddio Maer San Francisco George Moscone a Harvey Milk, arolygwr hoyw agored San Francisco oedd terfysgoedd nos White. Digwyddodd ar noson yr 21 Mai, 1979 yn San Francisco. Ynghynt y diwrnod hwnnw, cafwyd White yn euog o dynladdiad gwirfoddol, y dedfryd lleiaf posib am ei weithredoedd.

Rioters outside San Francisco City Hall May 21 1979.jpg
Rhes o bobl yn sefyll o flaen adeilad, gyda mwg yn codi tu ôl iddynt.
Data cyffredinol
Enghraifft o'r canlynolterfysg Edit this on Wikidata
LleoliadSan Francisco Edit this on Wikidata
Tudalen Comin Ffeiliau perthnasol ar Gomin Wicimedia

Roedd gan gymuned hoyw yn San Francisco hanes o wrthdaro hir dymor gydag Adran Heddlu San Francisco. Dwyshaodd statws White fel cyn-blismon ddicter y gymuned tuag at AHSF. Yn wreiddiol cafwyd gwrthdystiadau wrth i brotestwyr orymdeithio drwy ardal Castro yn San Francisco. Pan gyrhaeddodd y dorf Neuadd Dinas San Francisco, trodd y brotest yn dreisgar. Achoswyd cannoedd o filoedd o ddoleri o ddifrod i eiddo Neuadd y Ddinas ac ardaloedd cyfagos, yn ogystal ag anafiadau i heddweision a therfysgwyr.

Sawl awr ar ôl i'r terfysg ddod i ben, ymatebodd yr heddlu drwy gynnal cyrch ar far hoyw yn Castro o San Francisco. Ymosodwyd ar nifer o'r cwsmeriaid gan heddweision mewn gwisg terfysgoedd. Arestiwyd 24 o bobl yn ystod y cyrch, ac yn ddiweddarach daethpwyd a sawl achos yn erbyn AHSF.[1]

Yn y diwrnodau a ddilynodd, gwrthododd arweinwyr y gymuned hoyw ymddiheurio am ddigwyddiadau'r noson. Arweiniodd yr undod a'r cryfder hwn ymysg y gymuned hoyw at fwy o rym gwleidyddol, a gyrhaeddodd uchafbwynt pan ail-etholwyd Maer Dianne Feinstein y mis Tachwedd canlynol. Wrth ymateb i un o'i haddewidion etholiadaol, apwyntiodd Feinstein Pennaeth yr Heddlu a oedd yn gefnogol i hawliau hoywon. Cynyddodd y nifer o bobl hoyw a recriwtiwyd i'r heddlu a lleihaodd hyn y tensiwn.

CyfeiriadauGolygu

  1. Gorney, Cynthia (4 Ionawr, 1984). "The Legacy of Dan White; A stronger gay community looks back at the tumult". The Washington Post.